RUT 1:5 - Sura' Madatu

⁵ Attu iato mate dukami tu anakna sola duai, iamotu Mahlon sola Kilyon, naurungan torro bangmi tu baine iato sisayuran anakna da’dua sia muanena.

RUT 1:5 ပူးပေါင်းရင်းမြစ်များ

YESAYA 49:21

Mukuami lan penaammu: Mindara umpadadianna’ te mintu’ anak iate, belanna dolona sisayuranna’ anak sia tamanangna’; dolona dirampana’ sia ditibena’; mindara ungkaritutui te mintu’na te? Tang aku mannaraka torro misa’ pirangbongi’, naumbara nanii attu iato te mintu’na te?

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

LUKAS 7:12

Iatonna reke’mi tu babangan tondok, denmi misa’ to mate dio sun nabulle tau; iatu pia anak misa dio indo’na, baluomi tu indo’na; buda tau lan mai tondok sae unturu’i.

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

RUT 1:2

Iatu tau iato disanga Elimelekh, na iatu bainena disanga Naomi, na iatu anakna muane sola duai, disanga Mahlon na Kilyon, to Efrata dio mai Betlehem, lili’na Yehuda; rampomi tu tau iato mai lako padang marantena Moab, anna torro dio.

RUT 1:4

Unnalami baine to Moab sola duai anna pobainei: misa’ disanga Orpa na iatu misa’ disanga Rut; torromi tu tau iato inde to dio agi-agi sangpulo taunna.

RUT 1:6

Mangkato ke’de’mi sola tu minintunna baine da’dua anna sule dio mai padang marantena Moab, belanna denmo kareba narangi dio padang marantena Moab, kumua Nakilalaimo PUANG tu taunNa, anNa benni kande.