RUT 1:2 - Sura' Madatu

² Iatu tau iato disanga Elimelekh, na iatu bainena disanga Naomi, na iatu anakna muane sola duai, disanga Mahlon na Kilyon, to Efrata dio mai Betlehem, lili’na Yehuda; rampomi tu tau iato mai lako padang marantena Moab, anna torro dio.

RUT 1:2 ပူးပေါင်းရင်းမြစ်များ

KADADIAN 35:19

Susimoto tu kamateanna Rahel, dilamunmi dio randan lalan lako Efrata, iamotu Betlehem.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

TO PARENGNGE’ 17:7

Denmi misa’ pia muane lu dio mai Betlehem lili’na Yehuda, dio mai lili’ pa’rapuanna Yehuda; tau iato to Lewi sia torro to sae dio.

TO PARENGNGE’ 3:30

Susimoto tu Moab nalese lu rokko to Israel attu iato, anna marampa’ karuapulona taunna tu tondok Israel.

RUT 1:3

Matemi tu Elimelekh, muanena Naomi, anna torro te baine iate sola anakna muane da’dua.

RUT 1:5

Attu iato mate dukami tu anakna sola duai, iamotu Mahlon sola Kilyon, naurungan torro bangmi tu baine iato sisayuran anakna da’dua sia muanena.

RUT 2:1

Iatu Naomi den misa’ rampeananna, misa’ to sugi’ kapua, dio mai pa’rapuanna Elimelekh, disanga Boas.

RUT 4:9

Mangkato ma’kadami tu Boas lako mintu’ pekaamberan sia lako mintu’ to buda, nakua: Allo iate kamumo sola nasang titanan sa’bi, kumua iatu mintu’ apanna Elimelekh sia iatu mintu’ apanna Kilyon sia Mahlon kuallimo dio mai Naomi;

1 SAMUEL 1:1

Denmi misa’ muane dio mai Ramataim-Zofim, iamotu dio mai buntu Efraim, disanga Elkana, anakna Yeroham, anakna Elihu, anakna Tohu, anakna Zuf, misa’ to Efraim.

1 SAMUEL 17:12

Iatu Daud, iamo anakna misa’ to Efrata dio mai Betlehem lan lili’na Yehuda, disanga Isai, tu karua anakna muane; tonna linona Saul iamo misa’ to matua tu matessek tonganmo.

1 SAMUEL 17:21

Napasipa’pampangammi to Israel sia to Filistin tu surodadunna.