RUT 1:14 - Sura' Madatu

¹⁴ Unnurruk-urruk pole’omi tumangi’ tu tau iato mai, anna udungi Orpa tu matussanna, apa iatu Rut mella’ka’ bang ia lako.

RUT 1:14 ပူးပေါင်းရင်းမြစ်များ

KADADIAN 31:28

Sia tae’ poleopi ammu tangga’na’ unnudungi tu mati’ bati’ku muane sia baine. Iamoto munii umpogau’mo penggauran baga.

KADADIAN 31:55

Iatonna mela’bik la ke’de’mi tu Laban, anna udung nasangi tu mai bati’na muane sia baine sia napassakke, anna male sule lako tondokna.

2 SAMUEL 19:39

Iatonna mangka nasangmo tu mintu’ tau ullambanni Yordan sia mangka dukamo lamban tu datu, naudungmi datu tu Barzilai sia napalakuan kamarendengan, anna mane sule lako tondokna.

1 DATU 19:20

Natampemi Elisa tu mintu’ sapi, anna undi ma’dondo-dondo urrundu’ Elia nama’kada nakua: Elorampa’ dolo male urraka’ indo’ ambe’ku, kumane undi urrundu’komi. Nakuami tu Elia lako: Sulemoko, belanna apara tu mangka kupogau’ lako kalemu?

SARAMBU PEADA’ 17:17

Misa’ sangmane tontong bang ma’pakaboro’, sia iatu kasiuluran payan lan kapussakan.

SARAMBU PEADA’ 18:24

Iatu to buda punala bangri tau naposola naposanggang, apa den duka sipissan na iatu sangmane, maruru’ sia marengke’ tongan, na iatu siulu’.

YESAYA 14:1

Belanna Nakaturu-turui PUANG tu Yakub sia la tontong Natonno’ tu Israel sia la Napatorro lan tondokna; anna iatu to salian lembang la menturu’ lako to Israel sia la mareke’ lako rapunna Yakub.

ZAKHARIA 8:23

Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

MATIUS 16:24

Tonna iato Nakuami Yesu lako anak gurunNa: Iake denni tau la morai undi urrundu’Na’, la ussa’biangan kalena sia unnendekan kayu pea’ta’na, naundi urrundu’Na’.

MATIUS 19:22

Apa iatonna rangii tinde to mangura te kada iate, rossomi penaanna male, belanna buda iananna.

PENGGAURANNA RASULU’ 17:34

Apa den ba’tu pira-pira tu tau mengkadamak sia ma’patongan. Iatu tau iato den disanga Dionisius ada’ Aeropagus na misa’ baine disanga Damaris sia den dukapa to senga’ nasolan tu tau iato.

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

PA’TOLE 4:4

Apa iatu kamu, tu maruru’pa lako PUANG, Kapenombammi, tuopa sola nasang sae lako allo iate.

2 TIMOTIUS 4:10

Apa natampemo’ Demas, belanna napalosongmo te lino sia malemo ia lako Tesalonika; na iatu Kreskes male lako Galatia, na Titus male lako Dalmatia;

IBRANI 10:39

Apa kita te tangiaki’ to tama bilangan to sorong boko’, taurunganni sanggang, sangadinna to ma’patongan, naurunganni makarimman tu deatanta.

RUT 1:13

bua’raka mila ungkampai sae lako kapuana? Bua’raka nala undampakomi tang kemuane? Da misusi to, e anakku, belanna lendu’ ia masussanna to lako kaleku, na lako kalemi, belanna tiangka’mo tu limanNa PUANG umpata’paina’.

RUT 1:15

Ma’kadami tu Naomi nakua: Tiromi iatu sanglalanmu sulemo lako bangsana sia lako deatanna; sulemoko unturu’i tu sanglalanmu.

RUT 1:7

Iamoto tassu’mi lan mai inan, nanii mempue sola tu minintunna baine da’dua. Iatonna ma’tangnga lalanmo la sule lako tondok Yehuda,

RUT 2:11

Mebalimi tu Boas lako nakua: Napokada nasangmo tau lako kaleku tu mintu’ apa mangka mupogau’ lako matusammu to mangkanna mate tu muanemu, sia umba mukua untampe ambe’mu sia indo’mu sia tondok kadadiammu, ammu male lako misa’ bangsa, tu tae’pa mutandai dolona.