RUT 1:13 - Sura' Madatu

¹³ bua’raka mila ungkampai sae lako kapuana? Bua’raka nala undampakomi tang kemuane? Da misusi to, e anakku, belanna lendu’ ia masussanna to lako kaleku, na lako kalemi, belanna tiangka’mo tu limanNa PUANG umpata’paina’.

RUT 1:13 ပူးပေါင်းရင်းမြစ်များ

KADADIAN 38:11

Nakuami Yehuda lako Tamar, menintunna: Belangpako lan banuanna ambe’mu sae lako kapuanna tu anakku Syela, belanna nakua lan penaanna: podo da namate susito kakanna da’dua. Malemi tu Tamar natorro dio banuanna ambe’na.

AYUB 19:21

Kamaseina’, kamaseina’, e kamu sangmaneku, belanna nata’paimo’ limanNa Puang Matua.

PA’PUDIAN 32:4

Belanna keallo kebongi mabanda’ tu limamMi unta’paina’, iatu utak buku lampaku silelemo marangke sangtinti ke pealloanni. Sela

PA’PUDIAN 38:2

O PUANG, da Mipandasana’ diona kasengkeamMi, sia da Mipa’dikkina’ diona kamare’dekamMi!

PA’TOLE 2:15

Ondongpi limanNa duka PUANG mangka ullaoi la ussabui’ lan mai to’ tenda sae lako pura mate.

TO PARENGNGE’ 2:15

Umba-umba nanii tu tau iato male parari, inde dukato tu limanNa PUANG unneai naposanggangi, susitu mangka Napokadanni PUANG Napalaoi sumpa, naurunganni kapussakan tongan tu tau iato.

RUT 1:12

Sulemokomi, e anakku, malemokomi, belanna tarru’ matuamo’ tae’mo kula kemuane. Iakengku tangnga’i kumua la den siapa rannungku, ondongpi na bongi iate kukemuane, angku la undadian duka pia muane,

RUT 1:14

Unnurruk-urruk pole’omi tumangi’ tu tau iato mai, anna udungi Orpa tu matussanna, apa iatu Rut mella’ka’ bang ia lako.

RUT 1:21

Ganna’na’ tongku male, apa Napalo’bangmo’ PUANG sule. Ma’apai ammi la ussangaina’ Naomi, na PUANG tu titanan sa’bi unneana’ sia To umpoissan angge maritik tu umparampoina’ kamandasan.

1 SAMUEL 5:11

Ditambaimi ma’kombongan tu mintu’ arung kota to Filistin, anna ma’kada nakua: Pasuleammi tu pattinNa Kapenombanna to Israel lako inanna, da napa’pepateangki’ sola tu mai bangsata, belanna dadimo tu ra’ba biang dio lu tondok iato sia kamarukkan kapua, belanna Napamatana’mo Puang Matua to limanNa unti’tinni tu tau iato mai.