RUT 1:12 - Sura' Madatu

¹² Sulemokomi, e anakku, malemokomi, belanna tarru’ matuamo’ tae’mo kula kemuane. Iakengku tangnga’i kumua la den siapa rannungku, ondongpi na bongi iate kukemuane, angku la undadian duka pia muane,

RUT 1:12 ပူးပေါင်းရင်းမြစ်များ

KADADIAN 17:17

Malinguntu’mi tu Abraham natukku rapa’ rokko padang nametaa, anna ma’kada lan penaanna nakua: Ma’dinraka tu to saratu’mo taunna undadian misa’ pia? Ma’dinraka tu Sara, tu kaseramo pulona taunna la kianakpa?

KADADIAN 38:11

Nakuami Yehuda lako Tamar, menintunna: Belangpako lan banuanna ambe’mu sae lako kapuanna tu anakku Syela, belanna nakua lan penaanna: podo da namate susito kakanna da’dua. Malemi tu Tamar natorro dio banuanna ambe’na.

1 TIMOTIUS 5:9

Da nadipatama sura’ tu baine balu ke tae’pi naganna’ annan pulona taunna dadinna, sia ke tae’i namisa’ bangri tu muanena,

RUT 1:11

Apa ma’kada tu Naomi nakua: Sulemokomi, e anakku, ma’apai mila male urrundu’na’? Denparaka pia muane lan pa’tambukangku tu ma’din la mipomuane?

RUT 1:13

bua’raka mila ungkampai sae lako kapuana? Bua’raka nala undampakomi tang kemuane? Da misusi to, e anakku, belanna lendu’ ia masussanna to lako kaleku, na lako kalemi, belanna tiangka’mo tu limanNa PUANG umpata’paina’.