ROMA 2:3 - Sura' Madatu

³ E iko tu umpasalanna to ma’gau’ susito anna iko kalena umpogau’i, musangaraka la tilendokko dio mai ukunganNa Puang Matua?

ROMA 2:3 ပူးပေါင်းရင်းမြစ်များ

2 SAMUEL 10:3

Ma’kadami tu mintu’ arungna to Amon lako Hanun, puangna, nakua: Tongannaraka tu Daud umpakala’bi’ ambe’mi dio olomi, diona kaussuanna ba’tu pira-pira pa’pakatana mennolo lako kalemi? Tangiaraka bannangna te nanii Daud ussua taunna mennolo lako kalemi, la umparessai torroanna te tondok sia la usserre’i anna sanggangi?

AYUB 35:2

Misangaraka malolo tu iannato, sia mikua kumua iamote tu kamaloloangku dio oloNa Puang Matua,

PA’PUDIAN 50:21

Susimoto tu penggaurammu, apa ma’loko-lokoNa’; musanga kumua iatu Aku te susiNa’ iko! Apa la Kuada’ko, sia la Kupatama tangnga’mu tu mintu’nato.

PA’PUDIAN 56:7

Sipakulu-kulu tu tau iato mai sia membuni, sia umpenunu tengkaku, anna tumaya la unnala sunga’ku.

SARAMBU PEADA’ 11:21

Tonganna, iatu to kadake gau’ tae’ natilendok len dio mai ukungan, apa iatu to naala bilanganna to malambu’ la tilendok.

SARAMBU PEADA’ 16:5

Minda-minda matampo penaanna Nakagalli PUANG; manassa tae’ nala tilendok dio mai ukungan.

YEHEZKIEL 17:15

Apa naeamo, belanna mesua lako Mesir, anna benni darang buda sia tau buda. La maupa’ siaraka? Ma’dinraka tilendok tu to umpogau’i susito? Sia iatu to umpoka basse ma’dinraka la tilendok?

YEHEZKIEL 17:18

Napamatunamo tu sumpa, belanna napoka tu basse; moi namangkamo sitoe lima, umpogau’i tu mintu’ apa iato; tae’ nala tilendok.

DANIEL 10:19

Da mumataku’, e to tarru’ dipakaboro’, torro marampa’ko, mengkabatta’ko, ondongpi mengkabatta’ko. Iatonna marassan ussipa’kadanna’, matoto’mo’, angku ma’kada kukua: O puangku, ma’kadamokomi, belanna mangkamo’ mipamatoto’.

MATIUS 23:33

E ula’ sia bati’ ula’. Umba la mikua umpallaian kalemi dio mai ukungan naraka?

MATIUS 26:53

Musangaraka, tae’ Kuma’din umpa- lakui langngan Ambe’Ku, anNa pa’ka- maseanni lako Kaleku losong anna sangpulo dua sa’bu malaeka’, moi na totemo bangsiamote?

LUKAS 12:14

Apa nakua Yesu lako: E sola, mindara unnalaNa’ to mangra’ta’ kara-karami ba’tu to ma’tallangmi?

LUKAS 22:58

Sattu’-sattu’ to natiroomi misa’ to senga’, nakuami: Manassa ikopa tu solaNa! Apa nakua Petrus: Na iate tau te! Tae’ aku na aku!

LUKAS 22:60

Nakuami Petrus: Na iate tau te! tae’ aku kuissanni tu kadammu! Iatonna iato, marassan bangsia ma’kada-kada naunnonimo manuk.

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

ROMA 2:1

Iamoto tae’ mubelai undakaran posanga kalemu, e iko, minda-mindako tu umpasala tau; belanna lan tu kaumpasalammu to senga’, iko kalenamo umpakannai ukungan kalemu; belanna iko ma’pasala na iko duka umpogau’i.

ROMA 2:2

Taissan kumua iatu ukunganNa Puang Matua dipakannai melo tu to umpogau’i tu iannato.

ROMA 9:20

Apa aku pissan mekutanana’: E tolino, mindako la umbali Puang Matua? Ma’dinraka tu apa ditampa la ma’kada lako to untampai kumua: Ma’apari ammu tampa susira’ te?

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;