KADA OMBO’ LAKO RASULU’ YOHANES 9:5 - Sura' Madatu

⁵ Dielorammi la napa’dikki bang limang bulan, podo da napatei. Iatu pa’di’na susi pa’di’na to nasui’ te’tek-buku.

KADA OMBO’ LAKO RASULU’ YOHANES 9:5 ပူးပေါင်းရင်းမြစ်များ

2 OSSORANNA DATU 10:11

Iake susinna napamatana’i ambe’ku tu pamaammi, apa iatu aku la kupamatana’ pissan tu pamaammi; iake mangkakomi napa’dikki pebamba ambe’ku, apa aku la kupa’dikkikomi pebamba ma’duri bassi.

2 OSSORANNA DATU 10:14

anna ma’kada lako tau iato mai susitu pa’timbanganna mintu’ to mangura, nakua: napamatana’mo ambe’ku tu pamaammi, apa iatu aku la kupamatana’ pissan; iake mangkakomi napa’dikki pebamba ambe’ku, apa aku la kupa’dikkikomi pebamba ma’duri bassi.

AYUB 2:6

Ma’kadami tu PUANG lako deata bulituk, Nakua: Manassa iatu tau iato lan kuasammu, sangadinna la mukatirinnai tu sunga’na.

YEHEZKIEL 2:6

Na iko, e ma’rupa tau, da mukataku’i tu tau iato mai sia da mukataku’i tu kadanna, moi natikuiko a’da’ sola duri sia moi ammu sisola te’tek buku; da mukataku’i tu kadanna sia da mukagiangi tu olona, belanna tau iato mai to pabali-bali.

DANIEL 7:6

Undinnato kutiro tu misa’ olo’-olo’ senga’ susi misa’ arimau bulu, a’pa’ tu pani’ manuk-manuk dao boko’na sia a’pa’ tu ulunna; disorongmi lako tu kaparentan.

YOHANES 19:11

Nakuami Yesu mebali: Moi misa’ tae’ mibelai ungkuasaiNa’, ke tae’i nalu Dao mai; iamoto iatu to ussorongNa’ lako kalemi, iamo kapuanna kasalanna.

KADA OMBO’ LAKO RASULU’ YOHANES 11:7

Iatonna pasundunmi tu pa’katottonginna sola duai, la narariimi olo’-olo’ masuru tu sun diong mai posi’ tana lambe’, sia nataloi anna patei.

KADA OMBO’ LAKO RASULU’ YOHANES 13:5

Dibenmi misa’ puduk umpasun kada matampo sia kada solang tu olo’-olo’ iato; diben duka kuasa la umpogau’i to patangpulo ndua bulanna.

KADA OMBO’ LAKO RASULU’ YOHANES 13:7

Sia dieloran sirari mintu’ to masallo’ sia la untaloi, sia diben kuasa ungkuasai mintu’ suku sia to sangpetayanan sia basa sia bangsa.

KADA OMBO’ LAKO RASULU’ YOHANES 9:10

Sia keikko’ susi te’tek-buku, nalan ikko’na den kuasanna la umpakario-rio tau limang bulan.

KADA OMBO’ LAKO RASULU’ YOHANES 9:3

Sunmi lan mai to’ rambu iato tu batik anna tama lino, anna diben kuasa susi kuasa te’tek-buku lan te lino.