KADA OMBO’ LAKO RASULU’ YOHANES 9:4 - Sura' Madatu

⁴ Dipokadammi kumua tae’ nala ussanggangi tu riu lan lino, ba’tu tananan ba’tu garonto’ kayu, sangadinna tolino manna tu tae’ ca’Na Puang Matua dio kidena.

KADA OMBO’ LAKO RASULU’ YOHANES 9:4 ပူးပေါင်းရင်းမြစ်များ

AYUB 1:10

Tang Kamu Kalenaraka tu urrinding pala’i sia banuanna sia mintu’ ianan napoapa tiku lao? Sia Mipamasakke tu bura rangka’na sia kerangngan tongan tu mai barang apanna lan tondok.

AYUB 1:12

Ma’kadami tu PUANG lako deata bulituk, Nakua: Manassa iatu mintu’ ianan napoapa lan nasang kuasammu; sangadinna da’ mue’te’ limammu umpata’pai kalena. Pakalan tassu’mi tu deata bulituk dio mai oloNa PUANG.

AYUB 2:6

Ma’kadami tu PUANG lako deata bulituk, Nakua: Manassa iatu tau iato lan kuasammu, sangadinna la mukatirinnai tu sunga’na.

PA’PUDIAN 76:10

Tonna ke’de’ tu Puang Matua la ma’paolai salu, la ungkarimmanni mintu’ to madiongan penaanna lan te lino. Sela

KATASSURAN 12:23

Iake sumalongmi tu PUANG lan tondok la umpata’pai lima to Mesir, Natiroi tu rara iato dio ampang ba’ba daona lu sia dio to da’dua patongkon ba’ba, la Nalendu’i PUANG tu ba’ba iato, tae’ Naeloranni tu to pasanggang la tama banuammi la ma’kasolang-solang.

YEHEZKIEL 9:4

Ma’kadami tu PUANG lako kaleku Nakua: Ke’de’ko unnola tangngai tu kota iamotu unnola tangnga Yerusalem, ammu palakoi tanda tu kidena tu mintu’ to sumarro sia mekaindo’ diona tu mintu’ penggauran megallian tu dipogau’ inde to dio.

YEHEZKIEL 9:6

Iatu mai to matua, pia muane, anak dara, pia’-pia’ sia baine manassa la mipatei sia misanggang; apa moi misa’ tu tau den tandana da mirumbui: manassa la miparanduk dio to’ inan maindanKu. Naparandukmi tau iato mai dio lu muane, iamotu mai pekaamberan, tu dio tingayo Banua Kabusungan.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

EFESUS 4:30

Sia da mipamasussai tu Penaa Masallo’Na Puang Matua, tu dinii mangka untodingkomi landa’ lako allo kadila’bakan.

KADA OMBO’ LAKO RASULU’ YOHANES 14:1

Tiramban kutiroi tu Anak domba bendan dao buntu Sion, sia sisola tau saratu’ patangpulo nna’pa’ sa’bunna, tu to disura’ dio kidena tu sanganNa Anak domba sia sanganNa Ambe’Na.

KADA OMBO’ LAKO RASULU’ YOHANES 6:6

Sia kurangi tu oni susi gamara lan tangnga-tangngana a’pa’ a’gan kepenaa ma’kada, nakua: Sangkararo barra’ misa’ dinar allinna, sia tallung kararo dalle misa’ dinar allinna. Apa iatu minna’ sola uai anggoro’ da misanggangi.

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.

KADA OMBO’ LAKO RASULU’ YOHANES 8:7

Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.