KADA OMBO’ LAKO RASULU’ YOHANES 9:13 - Sura' Madatu

¹³ Iatu malaeka’ ma’pennannanna umpannoni tarompe’ puana, angku rangi misa’ gamara sun lan mai tu a’pa’ tanduk inan pemalaran bulaan dio oloNa Puang Matua,

KADA OMBO’ LAKO RASULU’ YOHANES 9:13 ပူးပေါင်းရင်းမြစ်များ

KATASSURAN 30:10

Sipissan lan sangtaun iatu Harun la umpaden kadiseroian kasalan, iamoto nararai rara suru’ pengkalossoran la usseroi kasalan, tu tandukna; sipissan lan sangtaun la umpaden kadiseroian kasalan urrarai tu inan pemalaran iato la misiosso’i; iamote tu apa tarru’ maindan dio oloNa PUANG.

IBRANI 10:21

sia belanna den kita misa’ Tominaa mala’bi’ta, tu umpoissan apa lan banuanNa Puang Matua.

IBRANI 9:24

Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.

KADA OMBO’ LAKO RASULU’ YOHANES 8:2

Kutiromi tu pitu malaeka’ bendan dio oloNa Puang Matua, anna diben pitu tarompe’ pua.

KADA OMBO’ LAKO RASULU’ YOHANES 9:1

Iatu malaeka’ ma’pellimanna umpannoni tarompe’ puana, angku tiroi misa’ bintoen mangka ronno’ dao mai langi’ tama lino; dibenmi gonting garonggong posi’ tana lambe’.