KADA OMBO’ LAKO RASULU’ YOHANES 8:8 - Sura' Madatu

⁸ Iatu malaeka’ ma’penduanna umpannoni tarompe’ puana, butung to misa’ buntu kapua nakande api dipembuangan tama tasik; iatu tasik sangtaa tallunna mendadi rara;

KADA OMBO’ LAKO RASULU’ YOHANES 8:8 ပူးပေါင်းရင်းမြစ်များ

YEREMIA 51:25

Tonganna, la Kuukungko, e buntu, ma’kasanggang, tu ussanggang mintu’ lino, kadanNa PUANG, sia la Kuangka’ tu limangKu unta’paiko sia ullolinko dao mai buntu batu, angKu padadiko buntu pura nalalle api.

YEHEZKIEL 14:9

Iake denni misa’ nabi dipetobagai la umpokada kada, Kupetobagai tu nabi iato sia la Kue’te tu limangku la unneai sia la Kuurakki lan mai tangngana taungKu, Israel.

AMOS 7:4

Susite tu apa Napatiroanna’ Puangta PUANG: Manassa untambai api la umpalalo ukungan. Api iato napamarangke tu uai kapua sia la nakande duka tu pa’pa’lakan.

ZAKHARIA 13:8

Lan lu mintu’ tondok, kadanNa PUANG, duang taanna tu la disabu’i sia la ka’tu sunga’na, apa iatu sangtaanna la torro lan tondok.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

MARKUS 11:23

Tonganna tongan, Kukua mati’, minda-minda tu ma’kada lako te buntu kumua: Tiangka’ko ammu tipemparrak rokko tasik! natae’ nabata lan penaanna sangadinna nakatappa’i kumua la dadi tu napokadanna, manassa dadi duka tu napokadanna.

KADA OMBO’ LAKO RASULU’ YOHANES 11:6

Kuasa ia sola duai la untampun langi’, kumua da nasae uran, ke tontongpi sola duai ma’nubua’, sia kuasa sola duai umpopendadi rara uai, sia umparampoi ma’rupa-rupa kasanggangan tu lino pempiran-piran, tu naporainna.

KADA OMBO’ LAKO RASULU’ YOHANES 12:4

iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 8:7

Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.

KADA OMBO’ LAKO RASULU’ YOHANES 9:15

Narampanammi tu a’pa’ malaeka’ tu inang tumayamo, ke te’te’ sia allo sia bulan sia taun iato, kumua anna patei tu sangtaa tallunna mintu’ tolino.

KADA OMBO’ LAKO RASULU’ YOHANES 9:18

Tete dio to tallu kamaparrisan iato, anna sangtaa talluna mintu’ tolino mate: napatei api sia rambu sia solo’ tu sun lan mai sadangna.