KADA OMBO’ LAKO RASULU’ YOHANES 8:7 - Sura' Madatu

⁷ Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.

KADA OMBO’ LAKO RASULU’ YOHANES 8:7 ပူးပေါင်းရင်းမြစ်များ

PA’PUDIAN 105:32

Napasae tu uran batu Naposondana uran, sia Napasae tu api ma’lulu-lulu lan padangna.

KATASSURAN 9:33

Malemi tu Musa dio mai olona Firaun anna tassu’ lan mai tondok, sia mempala’ langngan PUANG, anna iatu guntu’ sia uran batu, tae’mo nauranni tu padang.

YESAYA 28:2

La bu’tu dio mai Puang tu misa’ to matoto’ sia lalong, susito uran batu ma’kalle’dang-le’dang sia bara’ mesanggangi, susi uai saba’ mariak anna kabu’i tu mintu’na sia napemparrakan rokko padang.

YESAYA 29:6

Iatu PUANGna mintu’ ma’dandan maritik la sae untunduiko guntu’ sia lino’ sia galugu kapua sia talimpuru’ sia bara’ na api ma’kande pu’pu’.

YESAYA 30:30

Attu iato la umpa’perangian gamara mandu mala’bi’Na tu PUANG sia umpa’pekitanan takia’Na tu songlo’ situang kasengkean ma’lulu-lulunNa, sia dukku api ma’kande pu’pu’, sola uai saba’ sia angin bara’ sia uran batu.

YESAYA 32:19

La sae tu uran batu naurungan songka tu kayu lan lu pangala’ sia la lamma’ tu kota rokko inan mandalan.

YEHEZKIEL 38:22

Sia la Kuukung Kuparampoi ra’ba biang sia to’doan rara; la Kupauranni uran kamban, uran batu, api sia solo’ tu tau iato sola mintu’ surodadunna sia iatu bangsa buda nasolan.

YOËL 2:30

Sia la umpadenNa’ ba’tu pira-pira tanda kalle-kallean dao langi’ sia dao kuli’na padang, iamotu rara, api sia ba’tu pira-pira lentong rambu.

YAKOBUS 1:11

Belanna la bu’tu tu allo situru’ kamapannanganna anna pamalayui tu riu sia rondon tu ta’binna sia la pa’de tu kameloan rupanna, susi dukamoto tu to sugi’ la malayu lan mintu’ kalingkanna.

YOSUA 10:11

Iatonna mallaimo tu tau iato mai dio mai tingayona to Israel sia umpolalanmo mennaa’na Bet-Horon, Naurannimi PUANG batu kapua dao mai langi’ sae lako Azeka, namate tu tau iato; iatu to mate narua batu mandu buda na iatu to napatei pa’dang to Israel.

1 PETRUS 1:24

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna;

KADA OMBO’ LAKO RASULU’ YOHANES 12:4

iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 16:2

Malemi tu malaeka’ bunga’na umbolloanni tama lino tu gori-gorinna; mendadimi saki bundang tang dampi-dampian sia malallang lako mintu’ tu to den tanda olo’-olo’ iato dio kalena sia to umpenombai rapang-rapang dipodeatanna.

KADA OMBO’ LAKO RASULU’ YOHANES 16:21

Saemi tu uran batu kamban unta’pai tolino, agi-agi sangtalenta magasanna ke misa’i, napa’kada solangimi tolino tu Puang Matua belanna kamaparrisan uran batu, apa lendu’ kapuana tu kamaparrisan iato.

KADA OMBO’ LAKO RASULU’ YOHANES 6:8

Kutiromi den misa’ darang bullau, na iatu to ussakei disanga kamatean sia undi narundu’ len lino to mate. Diben kuasa sola duai la umpatei pa’dang tu sangtepona lino sia ra’pak padang sia ra’ba biang sia olo’-olo’ masuru lan lino.

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.

KADA OMBO’ LAKO RASULU’ YOHANES 9:15

Narampanammi tu a’pa’ malaeka’ tu inang tumayamo, ke te’te’ sia allo sia bulan sia taun iato, kumua anna patei tu sangtaa tallunna mintu’ tolino.

KADA OMBO’ LAKO RASULU’ YOHANES 9:18

Tete dio to tallu kamaparrisan iato, anna sangtaa talluna mintu’ tolino mate: napatei api sia rambu sia solo’ tu sun lan mai sadangna.

KADA OMBO’ LAKO RASULU’ YOHANES 9:4

Dipokadammi kumua tae’ nala ussanggangi tu riu lan lino, ba’tu tananan ba’tu garonto’ kayu, sangadinna tolino manna tu tae’ ca’Na Puang Matua dio kidena.