KADA OMBO’ LAKO RASULU’ YOHANES 8:5 - Sura' Madatu

⁵ Naalami malaeka’ iato tu puaro anna patamai api dio mai inan pemalaran, anna pellebaranni tama lino, dadimi ba’tu pira-pira guntu’ sia ba’tu pira-pira gamara sia kila’ sia lino’.

KADA OMBO’ LAKO RASULU’ YOHANES 8:5 ပူးပေါင်းရင်းမြစ်များ

1 DATU 19:11

Ma’kadami nakua: Tassu’ko mai, ammu bendan dao buntu iate dio oloNa PUANG. Attu ia dukate, to ke la lendu’mi tu PUANG, manassa den angin bara’ sia talimpuru’, umpalalla buntu sia untesse buntu batu, undoloan PUANG. Apa tae’ tu PUANG lan talimpuru’ iato. Iatonna rapa’mo tu angin bara’, saemi tu lino’. Apa tae’ tu PUANG lan lino’ iato.

PA’PUDIAN 18:13

Iatu naninna arrang dio oloNa tipoli’ dio mai tu salebu’ makamban, sia uran batu sia ruaya borrong.

KATASSURAN 19:16

Iatonna ma’duang bongian melambi’ dadimi dao buntu iato tu ba’tu pira-pira guntu’ sia kila’ sia gaun makamban sia oni tarompe’ pua lendu’ kapuana, naurunganni sipa’parondoan nasang tu tau iato mai lan lu to’ tenda.

YESAYA 29:6

Iatu PUANGna mintu’ ma’dandan maritik la sae untunduiko guntu’ sia lino’ sia galugu kapua sia talimpuru’ sia bara’ na api ma’kande pu’pu’.

YESAYA 30:30

Attu iato la umpa’perangian gamara mandu mala’bi’Na tu PUANG sia umpa’pekitanan takia’Na tu songlo’ situang kasengkean ma’lulu-lulunNa, sia dukku api ma’kande pu’pu’, sola uai saba’ sia angin bara’ sia uran batu.

YESAYA 66:6

Perangii, den ramba kapua lan mai kota! Tu lu lan mai Banua Kabusungan! Iamotu gamaranNa PUANG tu umpabala’i penggauranna mintu’ ualinNa.

YEREMIA 51:11

Asami tu tinaran, toemi tu balulang! PUANGmo umpatiakka’i tu penaanna mintu’ datu Media, belanna lanmo penaanNa Puang la ullaoi sia ussanggangi tu Babel; belanna iamote tu pa’bala’Na PUANG, iamotu pa’bala’Na diona banua kabusunganNa.

SURA’ KATOMINAAN 16:12

Mangkato la naala tu peroyan ponno ruaya dao mai inan pemalaran dio oloNa PUANG, anna ponnoi dupa busarungngu’ tu pala’na, tu ditu’tuk sia nabaa nasangi tama boko’ kulambu.

ZAKHARIA 14:5

Attu iato la mallaikomi rokko lombok buntungKu, belanna iatu lombokna buntu iato la sumpu sae lako Azal, ondongpi la mallaikomi, susi kamallaiammi dio mai lino’ tonna linona Uzia, datu Yehuda. Sia iatu PUANG, Kapenombangku, la sae sola mintu’ to masero.

MATIUS 24:7

Belanna bangsa la siea pada bangsa sia to sangkadatuan siea to sangkadatuan; sia umba-umba nii la den karorian sia lino’.

LUKAS 12:49

Ia sia angKu sae te la umpellebaranNa’ api tama lino; la Kuapamira ke ma’lulu-lulumi?

PENGGAURANNA RASULU’ 16:26

Pakalan nasaemo lino’ kapua, anna tigoyak tu lilli’ tembo’ pa’tarungkuan. Ta’pa tibungka’ nasangmi tu ba’ba sia iatu mai sangkalana tau tikalossok.

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

KADA OMBO’ LAKO RASULU’ YOHANES 11:19

Tibungka’mi tu banuanNa Puang Matua dao suruga, kaananmi tu patti pangalluranNa Puang Matua lan tu banua iato; saemi ba’tu pira-pira kila’ sia gamara sia guntu’ sia lino’ sia uran batu kamban.

KADA OMBO’ LAKO RASULU’ YOHANES 4:5

Nasun lan mai isungan kapayungan iato tu kila’ sia ba’tu pira-pira gamara sia guntu’; sia den pitu palita dukku dio olo isungan kapayungan iato, iamotu pitu PenaanNa Puang Matua.

KADA OMBO’ LAKO RASULU’ YOHANES 6:12

Kutiro tonna bungka’mi Anak domba tu ca’ ma’pennannanna, dadimi lino’ kapua, sia iatu mata allo malotong butung satti bolong sia iatu bulan susi nasang rara.

KADA OMBO’ LAKO RASULU’ YOHANES 8:3

Saemi misa’ malaeka’ senga’ nabendan dio sa’de inan pemalaran, untoe puaro bulaan, dibenmi buda kemenian lako, kumua napennoloanni sola pangandona mintu’ to masallo’ dao inan pemalaran bulaan dio olo isungan kapayungan iato.