KADA OMBO’ LAKO RASULU’ YOHANES 8:3 - Sura' Madatu

³ Saemi misa’ malaeka’ senga’ nabendan dio sa’de inan pemalaran, untoe puaro bulaan, dibenmi buda kemenian lako, kumua napennoloanni sola pangandona mintu’ to masallo’ dao inan pemalaran bulaan dio olo isungan kapayungan iato.

KADA OMBO’ LAKO RASULU’ YOHANES 8:3 ပူးပေါင်းရင်းမြစ်များ

1 DATU 7:50

sia iatu dolong-dolong, piso, pindan pa’pi’pikan, piring sia perruayan bulaan massang digaraga; sia engse’ ba’ba bilik lanna lu tu diolai lako bilik mandu maindan sia engse’ ba’ba bilik kapua dio Banua Kabusungan bulaan digaraga.

PA’PUDIAN 141:2

Tarimai tu passambayangku butung to pemala’ butagari, sia pempala’ku tu butung pemala’ karoen.

KATASSURAN 40:26

Iatu inan pemalaran bulaan napatama tenda kasitammuan napadioi tingayo kulambu.

YESAYA 6:6

Apa misa’i tu Serapin sae mettia’ umpellambi’ina’ sitangke ruaya tu naala nasipi’ dao mai to’ pemalaran.

YEHEZKIEL 41:22

Iatu inan pemalaran kayu digaraga, tallung siku langka’na na duang siku lambe’na; iatu tetukna sia lette’na sia rindingna kayu nasang. Ma’kadami lako kaleku nakua: Iamote tu meda tu bendan dio oloNa PUANG.

AMOS 9:1

Kutiromi tu Puang bendan sikandappi’ inan pemalaran, anNa ma’kada, Nakua: Pa’tongi tu parande lentong, naurungan tigoyang tu ampang, sia tessei anna ruai tu ulunna mintu’ tau iato mai; na minda-minda tu torronapa la Kupatei pa’dang. Moi misa’i tu tau iato mai tae’ nala lussu’, sia moi misa’i tu tau iato mai tae’ nala tilendok.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

KADIBILANGAN 4:11

Iatu inan pemalaran bulaan la naampa’i sampin lango-lango, namane ussamboi kuli’ taka’, sia napalakoi kayu pebulle.

KADIBILANGAN 7:62

sia misa’ dolong-dolong bulaan sangpulo sikele’ timbanganna ponno dupa diong;

LUKAS 1:10

Iatu mintu’nato sirampun marassan massambayang dio salian, tonna pogau’i tu pemala’ mangrambu tagari.

ROMA 8:34

Mindara umpakannai ukungan? AnNa Kristus Yesu Ia tu mangka mate, ontongpi mangka dipamalimbangun sule, sia dio kananNa Puang Matua, sia umpa’kadangki’.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

IBRANI 9:4

Nalan to den bulaan pantunuan dupa sia patti basse disapu’ mintu’ bulaan mengguririk, nanii gori-gori bulaan nanii manna lan sia tekken mentarukna Harun, sia da’dua papan batu basse;

KADA OMBO’ LAKO RASULU’ YOHANES 10:1

Kutiromi misa’ malaeka’ senga’ matoto’ mengkalao dao mai langi’ umpobayu lamba’ gaun, sia tindak sarira dao ulunna, sia lindona butung to allo, sia lette’na susito lentong api.

KADA OMBO’ LAKO RASULU’ YOHANES 14:18

Sunomi dio mai to’ pemalaran misa’ malaeka’ senga’, tu ungkuasai api, anna metamba umpekapuai gamaranna lako malaeka’ untoe pesae’ taran, nakua: Pata’pami tu pesae’ taranmu, ta’takki tu mintu’ bure anggoro’ lino, belanna matasak melomo tu buanna.

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.

KADA OMBO’ LAKO RASULU’ YOHANES 6:9

Iatonna bungka’mi Anak domba tu ca’ ma’pellimanna, kutiromi diong to’ inan pemalaran tu mintu’ bombo mendeatanna to mangka dipatei belanna kadanNa Puang Matua sia belanna pa’katottongan natoe tau iato mai.

KADA OMBO’ LAKO RASULU’ YOHANES 7:2

Kutiro pole’omi misa’ malaeka’ senga’ kendek dio mai kadellekan allo untoe peca’Na Puang Matua matontongan; metambami umpekapuai gamaranna lako tu a’pa’ malaeka’ mangka diben kuasa ussanggang lino sia tasik,

KADA OMBO’ LAKO RASULU’ YOHANES 8:4

Iatu rambu kemenian sola pangandona mintu’ to masallo’ kendek langngan oloNa Puang Matua diong mai limanna malaeka’ iato.

KADA OMBO’ LAKO RASULU’ YOHANES 8:5

Naalami malaeka’ iato tu puaro anna patamai api dio mai inan pemalaran, anna pellebaranni tama lino, dadimi ba’tu pira-pira guntu’ sia ba’tu pira-pira gamara sia kila’ sia lino’.

KADA OMBO’ LAKO RASULU’ YOHANES 9:13

Iatu malaeka’ ma’pennannanna umpannoni tarompe’ puana, angku rangi misa’ gamara sun lan mai tu a’pa’ tanduk inan pemalaran bulaan dio oloNa Puang Matua,