KADA OMBO’ LAKO RASULU’ YOHANES 8:11 - Sura' Madatu

¹¹ Iatu bintoen iato disanga Apsintus, nasangtaa tallunna mintu’ uai mendadi apsantin; budami tau mate napobua’ uai iato, belanna mapai’mo.

KADA OMBO’ LAKO RASULU’ YOHANES 8:11 ပူးပေါင်းရင်းမြစ်များ

KATASSURAN 15:23

Rampomi tu tau iato mai lako Mara, apa iatu uai dio Mara tae’ nadiiru’ belanna mapai’, iamoto nasangai tau Mara.

SARAMBU PEADA’ 5:4

apa ma’katampakanna mapai’ susi apsantin sia mataran susi pa’dang mataran patomali.

YEREMIA 23:15

Iamoto nakua kadanNa PUANGna mintu’ ma’dandan maritik tu diona mintu’ nabi iato: Tonganna la Kupakande apsantin sia la Kupairu’ rasun tu tau iato mai, belanna dio mai mintu’ nabi Yerusalem tassu’mo tu penggauran urruttakki apa maindan ulleleimi mintu’ tondok.

YEREMIA 9:15

Iamoto nakua kadanNa PUANGna mintu’ ma’dandan maritik, Kapenombanna to Israel, kumua: Tonganna la Kupakande apsantin sia la Kupairu’ rasun tu tau iato mai.

BATING 3:19

Kilalai dikka’ tu kamaparrisangku sia salamba salaoku, sia iatu mai apsantin sia rasun.

BATING 3:5

Napalilingina’ rasun sia kamaparrisan ma’toppo’-toppo’.

AMOS 5:7

O! tu to umpopembali apsantin tu kamalamburan sia umpentibean kamaloloan rokko padang.

AMOS 6:12

Ma’dinraka tu mai darang ma’dondo dao lu buntu batu ba’tu ma’dinraka tu tasik natengko tau sapi? Apa kamu umpopembali rasunni tu salunna sia umpopembali apsantinni tu kamalamburan?

ZAKHARIA 13:8

Lan lu mintu’ tondok, kadanNa PUANG, duang taanna tu la disabu’i sia la ka’tu sunga’na, apa iatu sangtaanna la torro lan tondok.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

PA’TOLE 29:18

Iamoto da naden dio lu kamu tu muane ba’tu baine, ba’tu pa’rapuan ba’tu suku, tu sorong boko’ penaanna totemo dio mai PUANG, Kapenombanta, la umpenombai deatanna bangsa iato; da miden misa’ mentaruk tu la umpaden ipo ba’tu apsantin

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

KADA OMBO’ LAKO RASULU’ YOHANES 12:4

iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 8:7

Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.

KADA OMBO’ LAKO RASULU’ YOHANES 9:15

Narampanammi tu a’pa’ malaeka’ tu inang tumayamo, ke te’te’ sia allo sia bulan sia taun iato, kumua anna patei tu sangtaa tallunna mintu’ tolino.

KADA OMBO’ LAKO RASULU’ YOHANES 9:18

Tete dio to tallu kamaparrisan iato, anna sangtaa talluna mintu’ tolino mate: napatei api sia rambu sia solo’ tu sun lan mai sadangna.

RUT 1:20

Apa ma’kada tu Naomi lako tu tau iato mai nakua: Da misangaina’ Naomi; sangaimo’ Mara, belanna mangkamo’ Naparampoi kamapairan To umpoissan angge maritik.