KADA OMBO’ LAKO RASULU’ YOHANES 7:9 - Sura' Madatu

⁹ Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;

KADA OMBO’ LAKO RASULU’ YOHANES 7:9 ပူးပေါင်းရင်းမြစ်များ

KADADIAN 13:16

La Kupapada budanna barra’-barra’ tu lanto mimi’mu. Iake dikulle umbilangi tu barra’-barra’, maneri dikulle umbilangi tu lanto mimi’mu.

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

PA’PUDIAN 2:8

Palakui lako Kaleku, angKu benko tu mintu’ bangsa la mupomana’, sia anggenna lino la mupoapa.

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PA’PUDIAN 76:4

Indemoto tu Nanii urrebong-rebong mintu’ tinaran pandillak, sola balulang sia la’bo’ sia mintu’ parea rari. Sela

PA’PUDIAN 77:2

Meongli’na’ langngan Puang Matua sia mengkamoyana’, sia inang meongli’na langngan Puang Matua, sangapaoi Natanannina’ talinga.

PA’PUDIAN 98:3

Nakilalai tu kamasokananNa, sia kamarurusanNa lako bati’na Israel, mintu’ duka lelean uran untiromo kamakarimmanan lu dio mai Kapenombanta.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 3:17

Attu iato Yerusalem la disa’bu’ isungan kapayunganNa PUANG sia mintu’ bangsa la sirampun lako belanna sanganNa PUANG dio Yerusalem sia tae’mo nala lolang unturu’ kamakarrasanna penaa kadakena.

YEHEZKIEL 47:5

Nasuka’ poleomi pissan, sangsa’bu siku; totemo dadimo misa’ salu, tu tang kuolamo kulamban, belanna iatu uainna mandalan tonganmo, naurunganni ma’dinmo tau unnorong lan, iamotu misa’ salu tae’mo nakullei nalambanni tau.

DANIEL 4:1

Iate kada lu dio mai datu Nebukadnezar dipalanda’ lako mintu’ bangsa, to sangpetayanan sia to ma’rupa-rupa basana, tu untorroi mintu’ kuli’na padang, kumua la marampa’ tongankomi.

DANIEL 6:25

Mesuami tu datu, anna baai tau sae tu mai to umpa’parampoan Daniel, nadipembuangan tu tau iato rokko lo’ko’ singa, la kalena tu tau iato la iatu mai anakna sia bainena, natae’pa narampo melo rokko lo’ko’ iato, ta’pa nadammakmi mintu’ singa; iatu mintu’ bukunna puramo nanisak-nisak.

HOSEA 1:10

Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

SURA’ KATOMINAAN 23:40

Ianna allo bunga’na la miala tu buanna kayu melo, sia palapa koroma sia takke’-takke’ kayu umbalumbun sia takke’-takke’ araba nahala, ammi parannu-rannu dio oloNa PUANG, Kapenombammi lan pitung allo.

ZAKHARIA 10:8

La Kuongli’ tu tau iato mai sia la Kupasirampun, belanna la Kurampanan tu tau iato mai, sia la memba’ka’ susi dolona.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

LUKAS 12:1

Iatonna iato sirampunmo ba’tu pirang-pirang sa’bu tau, nasilessak-lessak bangmo, pakalan Naparandukmi Yesu ma’kada dolo lako anak gurunNa: Kanandaikomi kalemi dio mai raginna to Farisi, iamotu belo puduk.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

YOHANES 12:13

pada unnalami palapa koroma nalao untammui sia unnarrak-arrak nakua: Hosana, kurre sumanga’Na tu saeNa umpotete sanganNa Puang. Iamotu datunna to Israel!

ROMA 11:25

Belanna tae’ kuporai, e kamu siulu’ku, ke tae’i mitandai te rasia iate, – kumua da ammi sanga kalemi manarang – to kumua iato kamakarrasan iato urrampoimo sangtaanna to Israel sae lako ganna’na bilanganna tu to kapere’ tama kapatonganan.

EFESUS 6:13

Iamoto, toei tu pa’buno sanda pareaNa Puang Matua, ammi batta’ tumanan, ke allo kadakei sia bantang bendan, ke mangkakomi umpogau’i tu mintu’na.

IBRANI 11:12

Ia dukamoto, anna dio mai misa’ tau, ontongpi samannamo to mate, nanii bu’tu ba’tu pira budanna tau tu susi bintoen dao langi’ sia susi karangan dio biring tasik tang dikemba’ dibilang.

IBRANI 12:22

Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 22:3

Tae’ ia tampak ropu dio; na iatu isungan kapayunganNa Puang Matua sia Anak domba la tongkon lan, sia mintu’ taunNa la mengkaola lako Kalena,

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.

KADA OMBO’ LAKO RASULU’ YOHANES 4:4

Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

KADA OMBO’ LAKO RASULU’ YOHANES 6:11

Dipapantannimi bayu lamba’ mabusa, sia dipokadan kumua la melayopa sattu’, sae lako ganna’na tu bilanganna mintu’ to nasolan Napotau Puang Matua; iamotu sangsiuluranna tu la dipatei duka susi tau iato mai.

KADA OMBO’ LAKO RASULU’ YOHANES 7:8

dio mai sukunna Zebulon sangpulo dua sa’bunna; dio mai sukunna Yusuf sangpulo dua sa’bunna; dio mai sukunna Benyamin mangka dica’ sangpulo dua sa’bunna.