KADA OMBO’ LAKO RASULU’ YOHANES 7:3 - Sura' Madatu

³ nakua: Da misanggangi tu lino ba’tu tasik ba’tu iato mai garonto’ kayu sae lako kica’na tu mintu’ taunNa Puang Matua dio kidena.

KADA OMBO’ LAKO RASULU’ YOHANES 7:3 ပူးပေါင်းရင်းမြစ်များ

KATASSURAN 12:13

Iatu rara iamo la dadi misa’ tanda lako kalemi dio lu banua minii; iangKu tiromi tu rara iato la Kulendu’imokomi, naurungan tae’ kamandasan mesanggangan dio lu kalemi, ke Kupata’paimi lima tu tondok Mesir.

KATASSURAN 12:23

Iake sumalongmi tu PUANG lan tondok la umpata’pai lima to Mesir, Natiroi tu rara iato dio ampang ba’ba daona lu sia dio to da’dua patongkon ba’ba, la Nalendu’i PUANG tu ba’ba iato, tae’ Naeloranni tu to pasanggang la tama banuammi la ma’kasolang-solang.

YESAYA 27:8

Miea tu tau iato mai diona kadiula’ina sia kadisuale-palaranna: Nabaamo angin bara’Na Puang, tonna liu bara’ matallo.

YESAYA 54:17

Mintu’ tu pa’buno digaraga la unneako, tae’ anna la lolo’ sia mintu’ lila unneako lan inan pa’paolaian salu, la musau’. Iamote tu taa mana’na mintu’ taunNa PUANG, sia patu borongna tau iato mai tu lu dio mai Kaleku, kadanNa PUANG.

YESAYA 6:13

Ke denpi taa sangpulona lan, la disanggangi dukapa. Ten to kayu tarpin sia jati dilemponni, den siapa tu garempongna, susi dukamoto tu garempongna tau iato mai, iamo misa’ banne masero.

YESAYA 65:8

Nakua kadanNa PUANG: Susi ke den siapi uai anggoro’ lan tu eteng bua anggoro’, nakua tau: da mibala’ bala’i, belanna den siapa rongko’ lan susi dukamoto tu penggaurangKu belanna mintu’ taungKu tae’ angKu la ussanggang nasangi.

YEHEZKIEL 9:4

Ma’kadami tu PUANG lako kaleku Nakua: Ke’de’ko unnola tangngai tu kota iamotu unnola tangnga Yerusalem, ammu palakoi tanda tu kidena tu mintu’ to sumarro sia mekaindo’ diona tu mintu’ penggauran megallian tu dipogau’ inde to dio.

YEHEZKIEL 9:6

Iatu mai to matua, pia muane, anak dara, pia’-pia’ sia baine manassa la mipatei sia misanggang; apa moi misa’ tu tau den tandana da mirumbui: manassa la miparanduk dio to’ inan maindanKu. Naparandukmi tau iato mai dio lu muane, iamotu mai pekaamberan, tu dio tingayo Banua Kabusungan.

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 3:26

Malemi tu Nebukadnezar lako to’ ba’ba dapo’, nanii api ma’lana-lana: nama’kada nakua: E Sadrakh, Mesakh na Abednego, kamumo tu taunNa Puang Matua patodoranna, tassu’mokomi mai. Tassu’mi tu Sadrakh, Mesakh na Abednego lan mai to’ api.

DANIEL 6:16

Naparuku tonganmi tau iato mai tu datu nama’kada lako nakua: La miissan datu, kumua iate misa’ atoran napondok to Media sia to Persia, tae’ nama’din disondai len tu misa’ atoran ba’tu parenta, tu mangkamo napatassu’ datu.

ZEFANYA 2:3

Daka’i tu PUANG e mintu’ to umpamadiongan penaanna lan tondok, unturu’i tu atoranNa; daka’i tu kamaloloan, daka’i tu kamadiongam penaa; den sia manii upa’, ammi dipopentilindung, ke allo kasengkeanNa PUANG.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

MATIUS 24:22

Sia iakenna tae’ nadipakadomi’ tu attunna, inang la tae’mo tau misa’ duka dikarimmanni; apa belanna iatu mintu’ to ditonno’, anna dipakadomi’ tu attu iato.

MATIUS 24:31

Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

YOHANES 3:33

Minda-minda tu untarimami tu Nakatottonginna, naarra’imo kumua tongan tu Puang Matua.

ROMA 6:22

Apa totemo iammi mangka dipopentorro to makaka dio mai kasalan, sia dipopengkaunan lako Puang Matua, la unnappa’komi bua umpabu’tu kamaseroan, nama’katampakanna katuoan sae lakona.

KADA OMBO’ LAKO RASULU’ YOHANES 13:16

Sia umpalalo gau’ anna mintu’ tau, bitti’, kapua, sugi’, bongko, to makaka, ba’tu kaunan, diben nasang misa’ tanda dio lima kananna ba’tu dio kidena;

KADA OMBO’ LAKO RASULU’ YOHANES 13:17

sia moi misa’ tau tae’ nama’din ma’baluk sia mangalli, sangadinna iapi tu to den tanda iato dio kalena, iamotu sanga olo’-olo’ iato ba’tu bilangan sanganna.

KADA OMBO’ LAKO RASULU’ YOHANES 14:1

Tiramban kutiroi tu Anak domba bendan dao buntu Sion, sia sisola tau saratu’ patangpulo nna’pa’ sa’bunna, tu to disura’ dio kidena tu sanganNa Anak domba sia sanganNa Ambe’Na.

KADA OMBO’ LAKO RASULU’ YOHANES 14:9

Den siapa tu senga’na poleo undi urrundu’i sola duai iamotu malaeka’ ma’pentallunna, anna metamba nakua: Iake denni misa’ tau umpenombai olo’-olo’ iato sola rapang-rapang dipodeatanna sia untarima tanda dio kidena ba’tu dio limanna,

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 22:4

sia la untiro lindoNa, sia iatu sanganNa den dio kidena tau iato mai.

KADA OMBO’ LAKO RASULU’ YOHANES 6:6

Sia kurangi tu oni susi gamara lan tangnga-tangngana a’pa’ a’gan kepenaa ma’kada, nakua: Sangkararo barra’ misa’ dinar allinna, sia tallung kararo dalle misa’ dinar allinna. Apa iatu minna’ sola uai anggoro’ da misanggangi.

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.

KADA OMBO’ LAKO RASULU’ YOHANES 7:2

Kutiro pole’omi misa’ malaeka’ senga’ kendek dio mai kadellekan allo untoe peca’Na Puang Matua matontongan; metambami umpekapuai gamaranna lako tu a’pa’ malaeka’ mangka diben kuasa ussanggang lino sia tasik,

KADA OMBO’ LAKO RASULU’ YOHANES 9:4

Dipokadammi kumua tae’ nala ussanggangi tu riu lan lino, ba’tu tananan ba’tu garonto’ kayu, sangadinna tolino manna tu tae’ ca’Na Puang Matua dio kidena.