KADA OMBO’ LAKO RASULU’ YOHANES 7:13 - Sura' Madatu

¹³ Mekutanami misa’i tu mintu’na penatua lako kaleku nakua: Iate mai to ma’bayu lamba’ busa, mindara sia umbara nanii sae?

KADA OMBO’ LAKO RASULU’ YOHANES 7:13 ပူးပေါင်းရင်းမြစ်များ

KADADIAN 16:8

Nakuami: E Hagar, kaunanna Sarai, bu’tu umbako nii naumba la muola? Mebalimi: Mallaimo’ dio mai puangku Sarai.

DANIEL 7:16

Kupengkareke’imi tu tau iato misa’, tu bendan inde to dio, angku kutanai manassana te mintu’na apa iate; ma’kadami lako kaleku sia napokadanna’ battuananna te mintu’ apa iate.

YOHANES 7:28

Napemanduimi Yesu tu kadanNa mangada’i lan Banua Kabusungan Nakua: Iatu Aku inang mitandaiMo’ sia miissan umba Kunii sae; sia tae’ Kuma’lalan inaanna sae, sangadinna den misa’ To tongan tu ussuaNa’, iamoto tu tang mitandai.

PENGGAURANNA RASULU’ 3:12

Iatonna tiroi Petrus tu iannato, nakuami lako mintu’ tau: E to Israel, ma’apari mipomangngari te iannate? sia ma’apari mipemarangakan takua to kamatotorangki ba’tu kamenombangki kalena angki palumingkai te tau iate?

KADA OMBO’ LAKO RASULU’ YOHANES 3:4

Apa den dukapakomi dio Sardis sidi’ tu to tae’ siapa naruttakki tu tamangkalena; tau iamo to mai tu la Kusolan lolang ma’tamangkale mabusa, belanna iamoto sielle’ to mai.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 4:4

Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,

KADA OMBO’ LAKO RASULU’ YOHANES 5:5

Denmi misa’ dio mai tu mintu’ penatua ma’kada lako kaleku nakua: Da mutumangi’, tiromi, iatu Singa tu lu dio mai sukunna Yehuda, iamo Una’na Daud unnappa’mo kapataloan naurunganni umbungka’i tu sura’ sia iatu pitu ca’na.

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;

TO PARENGNGE’ 13:6

Malemi tu baine iato umpokadanni muanena, nakua: Den misa’ taunNa Puang Matua sae lako kaleku, kutiro susito misa’ malaeka’Na Puang Matua, metakuran tongan. Tae’ kukutanai umbara nanii sae, sia tae’ duka napokadanna’ sanganna.