KADA OMBO’ LAKO RASULU’ YOHANES 7:12 - Sura' Madatu

¹² nakua: Amin, mintu’na kadipudian sia kamala’biran sia kakinaan sia pa’kurre sumanga’ sia kadipangkeran sia kuasa sia kamatotoran lu lako Puangta tontong sae lakona! Amin.

KADA OMBO’ LAKO RASULU’ YOHANES 7:12 ပူးပေါင်းရင်းမြစ်များ

NEHEMIA 12:46

Belanna tempon diopa mai linona Daud sia Asaf naranduk den tu to menani sia nanian umpudi sia untendeng Puang Matua.

NEHEMIA 12:8

Na iatu to Lewi, iamotu Yesua, Binui, Kadmiel, Serebya, Yehuda na Matanya. Tau iamote sola mintu’ siulu’na ullopian torroan to menani.

PA’PUDIAN 100:4

Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

PA’PUDIAN 106:48

Mintu’na kadipangkeran lu lako nasang PUANG, Kapenombanna to Israel, tempon dio mai landa’ lako attu situran, sia sipatu mintu’ bangsa iato, la ma’kada kumua: Amin! Haleluya!

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 116:17

La kupenomban tu pemala’ pa’pudian Mati’, angku meongli’ ussa’bu’ sanganNa PUANG.

PA’PUDIAN 147:7

Penanianni nanian pa’kurre sumanga’ tu PUANG, pakendekanni pa’pudian tu Kapenombanta dipasibarrung oni katapi.

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

PA’PUDIAN 89:52

Iamotu pa’be’sena mintu’ ualimMi, o PUANG, tu umbe’se mintu’ tengkana to Mitokko!

PA’PUDIAN 95:2

Maikomi anta ma’kurre sumanga’ umpennoloi oloNa, sia mela’tek umpakendekanni pa’pudian.

YESAYA 51:3

Belanna la Napakatana PUANG tu Sion sia la Napakatana tu mai kota daun lauanna; la Napopembali susi Eden tu padang aakna sia iatu pangala’-ala’na Napasangtinti pa’lakNa PUANG; la ponno kaparannuan sia kasendean lan, sia pa’pudi-pudian sia nanian.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

YEREMIA 33:9

Attu iato kota iato la dadi misa’ sanga Kupoparannu, sia kadipudian sia kadipangkeran dio lu mintu’ bangsa lan lino, tu la urrangi kareba diona mintu’ kameloan tu Kupogau’ lako tau iato mai; la tiakka’ sia tigega’ penaanna diona mintu’ kameloan sia kasalamaran tu Kupogau’ lako tau iato mai.

YUNUS 2:9

Apa iatu aku, la memala’na’ lako Kalemi dipasituang pa’pudi-pudian, sia la Kusundunni tu pangallonan, tu mangka kuallu’. Kadirampanan iato lu dio mai PUANG.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

ROMA 11:36

Belanna iatu mintu’ angge maritik lu dio mai Kalena sia tete dio Kalena sia lu lako Kalena. Lu lako duka Kalena tu mintu’ kamala’biran sae lakona. Amin.

1 KORINTUS 14:16

Iake tae’i nasusito, iake ma’kurre sumanga’ko sisola penaa umba la nakua tu to sa’buran ma’perangi, la ma’amin diona pa’kurre sumanga’ mu? Anna tae’ naissanni tu kadammu?

2 KORINTUS 4:15

Apa mintu’nate iannate dadi tu belanna kamu, kumua anna iatu pa’kamasean tu sakerangngan-rangnganna belanna sabuda-budanna bilanganna tu tau, umpopemba’ka’i tu pa’kurre sumanga’ Napomala’bi’ Puang Matua.

KOLOSE 2:7

mennuaka’komi sia bantangkomi lan Kalena sia batta’komi lan kapatonganan, susitu mangka diadarangkomi, ammi pabuda pa’kurre sumanga’.

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

YUDAS 1:25

iamo Puang Matua tu Misari, To pakarimmananta, tete dio Yesu Kristus tu Puangta, tu kamala’biran sia kakapuan sia kamatotoran sia kapaan tempon dio mai sia totemo te sia sae lakona. Amin.

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 19:4

Iatu duangpulo nna’pa’ penatua sia ia duka tu a’pa’ a’gan kepenaa tukku umpenombai Puang Matua tu unno’ko’ dao isungan kapayungan iato, nama’kada nakua: Amin! Haleluya!