KADA OMBO’ LAKO RASULU’ YOHANES 6:8 - Sura' Madatu

⁸ Kutiromi den misa’ darang bullau, na iatu to ussakei disanga kamatean sia undi narundu’ len lino to mate. Diben kuasa sola duai la umpatei pa’dang tu sangtepona lino sia ra’pak padang sia ra’ba biang sia olo’-olo’ masuru lan lino.

KADA OMBO’ LAKO RASULU’ YOHANES 6:8 ပူးပေါင်းရင်းမြစ်များ

SARAMBU PEADA’ 5:5

Iatu lette’na lu rokko kamatean, sia iatu tengkana lu lako lino tomate.

YESAYA 25:8

La Napaputta tontong sae lakona tu kamatean, sia la Napa’dii Puangta PUANG tu mai uai mata, sia iatu kamatunanna taunNa la Napa’dei lan mai mintu’ nasambo langi’, belanna susimoto tu kadanNa PUANG.

YEREMIA 14:12

Moi anna ma’puasa tu tau iato mai, tae’ duka Kuperangii tu petambana, sia moi anna pemalaran pemala’ ditunu pu’pu’ sia kande dipemalaran, tae’ duka nakalo’i penaangKu, sangadinna la Kumangsanni pa’dang sia karorian sia ra’ba biang.

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

YEREMIA 16:4

Iatu tau iato mai la mate napobua’ ra’ba biang, anna tae’ nadibatingi sia tae’ nadilamun anna dadi pangangku’ dio lu padang sia la karorian anna iatu batang rabukna la napopendurukan manuk-manuk dao lu langi’ sia olo’-olo’ dao kuli’na padang.

YEREMIA 24:10

Sia Kuparampo dio lu tau iato mai tu kandean pa’dang sia karorian sia ropu, naurungan tappu disabu’i dio mai padang, tu Kukamaseanni sia Kukamasean nene’ to dolona.

YEREMIA 29:17

Nakua kadanNa PUANGna mintu’ ma’dandan maritik: Manassa la ussuaNa’ kandean pa’dang sia karorian sia ra’ba biang dio lu tau iato mai sia la Kupabutung bua ara kadangkeng tu tau iato mai tu lendu’ ia kadakena, naurunganni tae’ nadikande.

YEREMIA 43:11

La sae anna taloi tu tondok Mesir; minda-minda tu dilampak mate, la mate, minda-minda tu dilampak dipali’, la dipali’, minda-minda tu dilampak nakande pa’dang, la nakande pa’dang.

YEHEZKIEL 29:5

Sia la KupembuangangKo tama padang pangallaran, iko sola mintu’ bale lan messarakna salu Nilmu. Dio rante kalua’ la munii melenten; tae’ mula diendekan ba’tu diala; la Kusorongko napokande olo’-olo’ dao kuli’na padang sia manuk-manuk dao lu langi’.

YEHEZKIEL 5:12

Sangtaa tallummi la mate nabaa ra’ba biang sia la narabunni karorian dio lu tangngami; na sangtaa tallummi la songka nakande pa’dang; na sangtaa tallummi pole’o la Kuambo’ lako mintu’ matanna angin sia la Kunonok tu pa’dang dio boko’na tau iato mai.

HOSEA 13:14

La Kurampananraka tu tau iato mai dio mai kuasanna lino to mate, sia la Kula’bakraka dio mai kamatean? E kamatean, umbamira tu ropummu, e lino to mate umbamira tu pasanggangammu? Tang natandaimo matangKu tu kamamasean.

HABAKUK 2:5

Tonganna iatu to matampo ma’pakena iamo to ma’kada layuk, apa tae’ ia nala tontong; umpopenganga sadangna susi lino to mate sia tae’ len nadia’ susi kamatean, naurunganni urrampun mintu’ bangsa sia umpulung mintu’ to sangpetayanan lako kalena.

ZAKHARIA 6:3

dio kareta ma’pentallunna nanii darang busa’ naiatu ma’penna’pa’na’ nanii darang saleko; mintu’nato darang mawatang.

MATIUS 11:23

Na iko, e Kapernaum! Ikomoraka la dipekalangka’i sae langngan langi’? La sarokko-rokkonako ria sae tama lino to mate, belanna iakenna lan Sodom nanii mangka dadi tu tanda mangnga dadi lan lili’mu, inang la tontong ia sae lako te attu iate.

MATIUS 24:7

Belanna bangsa la siea pada bangsa sia to sangkadatuan siea to sangkadatuan; sia umba-umba nii la den karorian sia lino’.

1 KORINTUS 15:55

E kamatean, umbamira tu kapataloammu? E kamatean, umbamira tu pasui’mu?

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 12:4

iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 9:15

Narampanammi tu a’pa’ malaeka’ tu inang tumayamo, ke te’te’ sia allo sia bulan sia taun iato, kumua anna patei tu sangtaa tallunna mintu’ tolino.

KADA OMBO’ LAKO RASULU’ YOHANES 9:18

Tete dio to tallu kamaparrisan iato, anna sangtaa talluna mintu’ tolino mate: napatei api sia rambu sia solo’ tu sun lan mai sadangna.