KADA OMBO’ LAKO RASULU’ YOHANES 6:5 - Sura' Madatu

⁵ Iatonna bungka’i tu ca’ ma’pentallunna, kurangi tu a’gan kepenaa ma’pentallunna ma’kada, nakua: Maimoko. Sia kutiro den misa’ darang bolong, na iatu to ussakei untoe timbangan.

KADA OMBO’ LAKO RASULU’ YOHANES 6:5 ပူးပေါင်းရင်းမြစ်များ

BATING 5:10

Iatu kuli’ki dukku susi ruaya lan dapo’, napobua’ kamapannanganna karorian.

YEHEZKIEL 4:10

Iatu kande la mukande la ditimbang duangpulo sikele’ sangallo; iake attunnaomi la mukandeomo sidi’.

YEHEZKIEL 4:16

Sia Nakua siapa lako kaleku: E ma’rupa tau, Kuparoto’ tu roti dipopamuntu dio Yerusalem – anna ditimbang tu roti la nakande situang karossoan penaanna; sia disuka’ tu mai la nairu’ disuka’ situang kamagianganna –

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.

ZAKHARIA 6:2

Dio tu kareta bunga’na nanii darang balibi, dio kareta ma’penduanna nanii darang bolong,

ZAKHARIA 6:6

Iatu kareta nariu’ darang bolong male rekke tondok rampe Daanna lu, iatu busa’na male unturu’i, na iatu salekona male sau’ tondok rampe Lo’na lu.

MATIUS 24:7

Belanna bangsa la siea pada bangsa sia to sangkadatuan siea to sangkadatuan; sia umba-umba nii la den karorian sia lino’.

KADA OMBO’ LAKO RASULU’ YOHANES 5:5

Denmi misa’ dio mai tu mintu’ penatua ma’kada lako kaleku nakua: Da mutumangi’, tiromi, iatu Singa tu lu dio mai sukunna Yehuda, iamo Una’na Daud unnappa’mo kapataloan naurunganni umbungka’i tu sura’ sia iatu pitu ca’na.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

KADA OMBO’ LAKO RASULU’ YOHANES 6:1

Kutiromi tonna bungka’i Anak domba, misa’ tu pitu ca’, sia kurangi misa’i to a’pa’ a’gan kepenaa ma’kada butung oni guntu’, nakua: Maimoko.