KADA OMBO’ LAKO RASULU’ YOHANES 6:17 - Sura' Madatu

¹⁷ Belanna allo kapua, iamotu allo kasengkeanNa saemo; mindara la unnattai umpatananni?

KADA OMBO’ LAKO RASULU’ YOHANES 6:17 ပူးပေါင်းရင်းမြစ်များ

PA’PUDIAN 110:5

Iatu Puang dio kananMu. Ia ussolangi ba’tu pira-pira datu-datu ke allo kasengkeanNai.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’PUDIAN 76:7

O Kapenombanna Yakub, belanna peada’Mi, anna mintu’ kareta sola darang leppengmo.

YESAYA 63:4

Belanna iatu allo pa’pakkan lanmo penaangKu, na iatu taun kamangrampanangKu saemo.

YEREMIA 30:7

A’a, lendu’ ia metakuranna tu allo iato, tu tae’ len susinna; iamo misa’ attu kapussakan lako Yakub; apa moi susito, la dirampanan duka.

YOËL 1:15

A’a tu allo iato! Belanna mandappi’mo tu alloNa PUANG; saemo tu allo iato susi kasanggangan lu dio mai To umpoissan angge maritik.

YOËL 2:1

Pannonii tu napiri tanduk dao Sion, sia rembangi tu katto’-katto’ dao buntu maindanKu! La ma’parondo tu mintu’ pa’tondokan, belanna saemo tu alloNa PUANG. Belanna mandappi’mo!

YOËL 2:11

Napakapua PUANG tu gamaranNa, dio tingayona mintu’ surodadunNa, belanna lendu’ ia budanna tu surodadunNa; iatu surodadunNa mawatang umpalalo kadanNa; ondongpi iatu alloNa PUANG kapua sia tarru’ metakuran! Mindara ma’din la umpatananni?

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

NAHUM 1:6

Minda la unnattai bendan dio olo katorrong-torronganNa? Mindara la umpatananni tu kasengkean ma’lana-lananNa? Iatu kare’dekan ara’Na tibarrak susi api sia iatu mai buntu batu tesse-tesse dio oloNa.

MALEAKHI 3:2

Apa mindara ungkullei umpatananni tu allo kasaeanNa, sia mindara ma’din la bendan, ke somboI? Belanna susi api to ma’kombong sia susi sabun to ma’galantang.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

ROMA 2:5

Apa kamakarrasanna penaammu sia noka mengkatoba’, ammu rampunanni kasengkean tu kalemu sae lako allo kasengkeanNa Puang Matua sia kapayananna ukungan malambu’Na,

YUDAS 1:6

Sia mintu’ malaeka’ tang undampang pangka’na, sangadinna ussalai kao’koranna, Napattang rante bassi matontongan Puang naonganni kamalillinan sae lako pangukungan allo kapua iato.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

1 SAMUEL 6:20

Nakuami tu to Bet-Semes: Mindara umbelai la bendan dio oloNa PUANG, tu kapenomban maindan susite? Namindamora la Nanii tilele dio mai kaleta?