KADA OMBO’ LAKO RASULU’ YOHANES 6:14 - Sura' Madatu

¹⁴ Sia iatu langi’ tikaririk butung sura’ dilulun, sia mintu’ buntu sia lebukan tipalengka’ dio mai inanna.

KADA OMBO’ LAKO RASULU’ YOHANES 6:14 ပူးပေါင်းရင်းမြစ်များ

PA’PUDIAN 102:26

Iatonna dolona Kamumo unnoton parandangan lino, na iatu langi’ lalan limamMi.

YESAYA 34:4

Attu iato mintu’ ma’dandan maritik la buruk sia mintu’ langi’ la tilulun susi misa’ sura’ sia mintu’ ma’dandan maritikna la rondon susi daun dio mai garonto’ anggoro’ sia susi daun dio mai garonto’ ara.

YESAYA 54:10

Belanna moi nala tiberu tu mai buntu sia tigega’ tu mai tanete, apa iatu kamasokanangKu tae’ nala tiberu dio mai kalemu sia iatu basse kamarampasangKu tae’ anna la tigega’, kadanNa To maturu-turummu, iamotu PUANG.

YEREMIA 3:23

Tonganna iatu mintu’ tanete sia kamamakanna mintu’ buntu pa’pakena manna napabu’tu; manassa PUANG Kapenombanta Iamo oto’na kasalamaranna to Israel.

YEREMIA 51:25

Tonganna, la Kuukungko, e buntu, ma’kasanggang, tu ussanggang mintu’ lino, kadanNa PUANG, sia la Kuangka’ tu limangKu unta’paiko sia ullolinko dao mai buntu batu, angKu padadiko buntu pura nalalle api.

YEHEZKIEL 38:20

La ma’parondo dio oloKu tu mai bale lan lu tasik sia manuk-manuk dao lu langi’, olo’-olo’ dio lu padang sia mintu’ olo’-olo’ mendonglo’, tu menono’ dao kuli’na padang sia mintu’ tolino, tu tuo dao kuli’na padang; mintu’ buntu la tuan, mintu’ aa’ mi’lan la umbanasa sia mintu’ rinding tembo’ la ro’pok.

NAHUM 1:5

Tigega’ tu mintu’ buntu dio oloNa sia mintu’ tanete tuan; sia tiseno-seno tu kuli’na padang dio oloNa, ondongpi tu lino sola mintu’ issinna.

HABAKUK 3:10

NatiroKomi tu mintu’ buntu, anna ma’parondo, lendu’mi tu uai buda tibarrak dao mai, iatu uai buda diong aa’ mi’lan mongngo’ sia unnangka’ limanna langngan.

HABAKUK 3:6

Ke’de’Mi anNa patigega’i te lino; mentiro tiku lao anNa patike’kenni tu mintu’ bangsa, mintu’ buntu tempon dio mai bake, sia mintu’ tanete dolo-dolona tuan; iatu mintu’ lalan dolo-dolona, lalanNa Puang.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

KADA OMBO’ LAKO RASULU’ YOHANES 16:20

Na mintu’na lebukan sabu’mo, sia iatu mintu’ buntu tae’mo dikita.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

KADA OMBO’ LAKO RASULU’ YOHANES 21:1

Pakalan kutiro polemi tu langi’ ba’ru sia lino ba’ru, belanna iatu langi’ sia lino bunga’na lanna’mo, sia iatu tasik tae’ dukamo.