KADA OMBO’ LAKO RASULU’ YOHANES 6:11 - Sura' Madatu

¹¹ Dipapantannimi bayu lamba’ mabusa, sia dipokadan kumua la melayopa sattu’, sae lako ganna’na tu bilanganna mintu’ to nasolan Napotau Puang Matua; iamotu sangsiuluranna tu la dipatei duka susi tau iato mai.

KADA OMBO’ LAKO RASULU’ YOHANES 6:11 ပူးပေါင်းရင်းမြစ်များ

DANIEL 12:13

Apa iko, e Daniel, malemoko umpellambi’i lampakmu sia melayoko mumane malimbangun untimang dalle’mu, ke allo ma’katampakanna.

MATIUS 10:21

To siulu’ la ussorong penaanna siulu’na anna mate dipongko, sia ambe’ la ussorong penaanna anakna. Sia iatu mai pia la umbalibali indo’ ambe’na sia napa’pepatean.

LUKAS 15:22

Apa nakua tu ambe’na lako kaunanna: Madomi’komi baai mai tu sambu’ me’lok, ammi papakei sia patamanni sissin tu limanna sia paluangi sepatu tu lentekna;

YOHANES 16:2

La natassu’ikomi lan mai banua pa’kombongan. Ontongpi la sae tu attunna, to kumua minda-minda tu umpateikomi la nasanga napopenomba langngan Puang Matua.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

2 TIMOTIUS 4:7

Kupembela-belai tonganmo lan rari melo diona kapatonganan, kusundunnimo tu tage’ku, kukaritutuimo tu kapatonganan.

IBRANI 11:40

Belanna Naparandanammiki’ Puang Matua tu apa la’bi’ melo, kumua da anna lambi’i tu kasundunan ke tae’i nakitai.

IBRANI 12:23

sia lako pa’maruasanna sia kombonganna mintu’ anak pa’bunga’, tu mangka disura’ sanganna lan suruga sia Tomangra’ta’, iamo Kapenombanna mintu’ tau, sia lako bombona mintu’ to malolo dipasundunmo,

IBRANI 4:10

Belanna iatu to tamamo kapelayoanNa Puang Matua, natorroi kalenamo tu pengkaranganna, susi Puang Matua untorroi pengkaranganNa.

KADA OMBO’ LAKO RASULU’ YOHANES 10:6

anna menggata ussa’bu’ sanganNa Puang tu tuo matontongan, tu umpadadi langi’ sola mintu’ issinna sia lino sola mintu’ issinna sia tasik sola mintu’ issinna, kumua: tae’mo nala disorong.

KADA OMBO’ LAKO RASULU’ YOHANES 13:15

Diben duka kuasa la umpatamai penaa tu rapang-rapang dipodeata olo’-olo’ iato, kumua anna ma’kada, sia anna palalo gau’, tu napobannang mintu’ tu to tang umpenombai rapang-rapang dipodeata olo’-olo’ iato, dipatei.

KADA OMBO’ LAKO RASULU’ YOHANES 14:13

Kurangimi misa’ gamara dao mai langi’ ma’kada nakua: Sura’i susite: Rongko’ tu mintu’ to matemo, iamotu to mate lan Puang randuk totemo. Ondongpi, nakua tu Penaa, iatu tau iato mai la umpelayoan tarru’mo kamasussanna; belanna mintu’ penggauranna undi urrondongi.

KADA OMBO’ LAKO RASULU’ YOHANES 17:6

Kutiromi tu baine iato nalango rara, rarana mintu’ to masallo’ sia rarana mintu’ to ungkatottongI Yesu. Lendu’ mangngaku untiroi.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;