KADA OMBO’ LAKO RASULU’ YOHANES 6:10 - Sura' Madatu

¹⁰ Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?

KADA OMBO’ LAKO RASULU’ YOHANES 6:10 ပူးပေါင်းရင်းမြစ်များ

KADADIAN 4:10

Nakuami PUANG: Apara tu mangka mupogau’? Iatu gamara rarana adimmu metamba diong mai padang lako kaleKu!

PA’PUDIAN 119:84

La sangapapi lambe’na tu sunga’na te taumMi? Sia piranra amMi paolai salunna tu mintu’ to unnula’ sumpuna’?

PA’PUDIAN 13:1

Lu lakona pangala sengo. Pa’pudianna Daud.

PA’PUDIAN 35:17

O PUANG, sangapapoKomi la untiro-tiro bangi? Lendokammi tu deatangku dio mai kasangganganna, sia rampananni tu sunga’ tungga’ku dio mai mintu’ anak singa.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

PA’PUDIAN 9:12

Pakendekki tu pa’pudian langngan PUANG tu unnisung dao Sion, pa’peissananni tu mintu’ penggauranNa dio lu mintu’ bangsa,

YESAYA 61:2

Sia la umpetamban taun kamasorokanNa PUANG sia allo pa’pakkanNa Kapenombanta sia la umpakatana to rosso inaanna.

BATING 3:64

La Mipapakkanni, o PUANG, sitinaya penggauranna.

DANIEL 12:6

Ma’kadami tu misa’ lako tu tau ma’tamangkale lenang, tu bendan daona lu uai salu, nakua: Sangapapira namane ma’katampakanna te apa kalle-kallean iate?

DANIEL 8:13

Kurangimi tu misa’ to masero ma’kada, namisa’ to masero senga’ ma’kada lako tu to mangkamo ma’kada nakua: La sangapa dadi tu apa ditiro lan patiro mendeata iate, diona tu pemala’ allo-allo sia kapatodo-tintingan metakuran, inan maindan tae’ nadipamaindan sia iatu ma’dandan maritik dilullu’.

ZAKHARIA 1:12

Ma’kadami tu Malaeka’Na PUANG nakua: O PUANGna mintu’ ma’dandan maritik, sangapapaKomi tang ungkamasei tu Yerusalem sia mintu’ kota Yehuda, tu nanii kasengkeamMi pitungpulomo taunna?

LUKAS 2:29

O! Puang, elo’namo Misarakki mana’pana’ lan mai te lino, susitu kadamMi,

LUKAS 21:22

Belanna iamo allo dinii umpabala’i, kumua anna sundun tu mintu’na disura’na.

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

2 PETRUS 2:1

Apa den dukamo dolona ba’tu pira nabi mo’rang dio lu to Israel, susi duka tu kamunna la bu’tu ba’tu pira guru ma’papusa, la umbaa buni pangadaran sala, tu untumang tau, sia napeonganni tu Puang mangka ulla’bakki’, sia umpasae kasanggangan madoi’ lako kalena.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.

KADA OMBO’ LAKO RASULU’ YOHANES 18:24

Nalan lili’na diappa’ tu rarana mintu’ nabi sia to masallo’ sia rarana mintu’ to dipatei lan te lino.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.

KADA OMBO’ LAKO RASULU’ YOHANES 3:7

Surasanni malaeka’ kombongan Filadelfia susite: Iamote tu kada lu dio mai Puang maindan sia tongan, tu untoe gontingna Daud, tu umbungka’i, nata’e misa’ tau ungkullei untutu’i, sia Ia untutu’i natae’ misa’ tau ungkullei umbungka’i:

TO PARENGNGE’ 16:28

Attu iato metambami tu Simson lako PUANG sia ma’kada nakua: O Puangku PUANG, kilalaina’, amMi pamatoto’na’ te pissan, o Puang Matua, angku pabala’i te pissan tu gau’na to Filistin diona te matangku patomali.

1 SAMUEL 24:12

Tiromi, o ambe’ku, tiromi tu biring bayu lamba’mi lan limangku! Iatongku se’pa’i tu biring bayu lamba’mi, tae’ kupateikomi, iamoto minii untiroi sia unnissanni, kumua tae’ kutangnga’ kadake sia kelok sia tae’ duka kusala lako puangku; apa undaka’komi lalan la ungka’tu sunga’ku.