KADA OMBO’ LAKO RASULU’ YOHANES 4:3 - Sura' Madatu

³ Na iatu To unno’ko’ dao, susi parimata intan sia ake’ tu rupanNa; sia den misa’ tindak sarira ussalungkui tu isungan kapayungan iato, susi samru’ rupanna.

KADA OMBO’ LAKO RASULU’ YOHANES 4:3 ပူးပေါင်းရင်းမြစ်များ

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

KATASSURAN 28:18

iatu borong ma’penduanna sangbatu ake’ malontong, sangbatu parimata lasuri’, na sangbatu parimata yaspisi maido;

KATASSURAN 39:11

iatu borong ma’penduanna dimatai parimata ake’ malotong sangbatu sia parimata lasuri’ sangbatu sia parimata yaspisi’ maido;

YESAYA 6:1

Iatonna taun namatean datu Uzia, payanmi lako kaleku tu Puang unnisung dao isungan kapayungan masuanggana sia mala’bi’, na iatu Banua Kabusungan nasitutu’i rombe-rombe bayunNa.

YEHEZKIEL 1:26

Dao apa tiampa’ dao ulunna, den tu apa ditiro susi parimata lasuri’, tu ma’rupa isungan kapayungan; na dao apa susi isungan kapayungan nanii unnisung tu ditiro ma’rupa tau.

YEHEZKIEL 1:28

Susito tindak sarira ditiro, tu paan lan gaun, ke palauranni, susito tu rupanna tu arrang untikui tu api. Susimoto tu rupa dinii umpa’peomboran kamala’biranNa PUANG. Iatongku tiromi to, lumbangmo’ rokko padang, angku rangii misa’ gamara Ma’kada.

YEHEZKIEL 10:1

Ta’kala kutiromi, tonganna dao batara daona lu ulu karubion, den misa’ apa susi parimata lasuri’, susi rupa isungan kapayungan, tu paan daona lu.

YEHEZKIEL 28:13

Lanko Eden, pa’lakNa Puang Matua, ma’rupa-rupa parimata ussitutu’i kalemu; iamotu parimata yaspisi’ mararang, parimata krisoli’ sia parimata yaspisi’ maido, parimata pirusa’, parimata ake’ maido sia parimata nepri’, parimata lasuri’, parimata ake’ malotong sia parimata malaki’. Bulaan panggaraga tu ussa’pi’i sia umpasila’ka’i lako kalemu; iatommu dipadadi, sakka’ nasangmo tu iannato.

KADA OMBO’ LAKO RASULU’ YOHANES 10:1

Kutiromi misa’ malaeka’ senga’ matoto’ mengkalao dao mai langi’ umpobayu lamba’ gaun, sia tindak sarira dao ulunna, sia lindona butung to allo, sia lette’na susito lentong api.

KADA OMBO’ LAKO RASULU’ YOHANES 21:11

Nakabu’ kamala’biranNa Puang Matua. Iatu arrangna susi parimata masu’lik allinna, susi parimata intan, malinnong susi kinang.