KADA OMBO’ LAKO RASULU’ YOHANES 4:2 - Sura' Madatu

² Ta’pa narampoimo’ a’gan Penaa, napayan tu isungan kapayungan tongkonan dao suruga, sia iatu To unno’ko’ dao isungan kapayungan iato.

KADA OMBO’ LAKO RASULU’ YOHANES 4:2 ပူးပေါင်းရင်းမြစ်များ

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

YESAYA 6:1

Iatonna taun namatean datu Uzia, payanmi lako kaleku tu Puang unnisung dao isungan kapayungan masuanggana sia mala’bi’, na iatu Banua Kabusungan nasitutu’i rombe-rombe bayunNa.

YEREMIA 17:12

O, isungan kamala’biran tu masuangga tempon dio mai, o inan maindanki,

YEHEZKIEL 1:26

Dao apa tiampa’ dao ulunna, den tu apa ditiro susi parimata lasuri’, tu ma’rupa isungan kapayungan; na dao apa susi isungan kapayungan nanii unnisung tu ditiro ma’rupa tau.

YEHEZKIEL 1:28

Susito tindak sarira ditiro, tu paan lan gaun, ke palauranni, susito tu rupanna tu arrang untikui tu api. Susimoto tu rupa dinii umpa’peomboran kamala’biranNa PUANG. Iatongku tiromi to, lumbangmo’ rokko padang, angku rangii misa’ gamara Ma’kada.

YEHEZKIEL 10:1

Ta’kala kutiromi, tonganna dao batara daona lu ulu karubion, den misa’ apa susi parimata lasuri’, susi rupa isungan kapayungan, tu paan daona lu.

DANIEL 7:9

Iatongku marassan umpenunui, dipabendanmi tu ba’tu pira-pira isungan kapayungan. Nanii misa’ ToKaubanan; iatu tamangkaleNa mabusa susito ambun makko sia iatu beluakNa mapute susi bulu domba; api ma’lana-lana tu isungan kapayunganNa sia api dukku tu lentenanna.

MATIUS 22:43

Nakuami Yesu lako tinde tau: Iake susito, umba nakua anna Daud kalena mekapuang lako, belanna pa’patudu-tudunNa Penaa Masallo’, nakua:

IBRANI 8:1

Lan mintu’na apa kipokada susito iamo ma’iringanna te, to kumua: Den misa’ Tominaa Kapuata tu susinnato, tu unno’ko’ dio sa’de kanan isunganNa Topatodoranna dao suruga.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

KADA OMBO’ LAKO RASULU’ YOHANES 12:5

Undadiammi misa’ pia muane, tu dadi muane, la umparentai tekken bassi mintu’ to kapere’; ta’pa disintakmi tu Anakna nadibaa lako Puang Matua sia lako to’ isungan kapayunganNa.

KADA OMBO’ LAKO RASULU’ YOHANES 17:3

Nabaai tu deatangku lako padang aak, angku tiroi tu misa’ baine messake dao misa’ olo’-olo’ mararang karamisi, nasituru’i sanga kada solang, sia pitu ulunna na sangpulo tandukna.

KADA OMBO’ LAKO RASULU’ YOHANES 19:4

Iatu duangpulo nna’pa’ penatua sia ia duka tu a’pa’ a’gan kepenaa tukku umpenombai Puang Matua tu unno’ko’ dao isungan kapayungan iato, nama’kada nakua: Amin! Haleluya!

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

KADA OMBO’ LAKO RASULU’ YOHANES 21:10

Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 21:5

Pakalan na iatu To unnisung dao isungan kapayungan iato, ma’kada Nakua: Tiroi, Kupopemba’ru nasang. Sia Nakuapa: Sura’i, belanna kada iate matappa’ sia tonganna.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 4:5

Nasun lan mai isungan kapayungan iato tu kila’ sia ba’tu pira-pira gamara sia guntu’; sia den pitu palita dukku dio olo isungan kapayungan iato, iamotu pitu PenaanNa Puang Matua.

KADA OMBO’ LAKO RASULU’ YOHANES 4:9

Iake napakala’bi’oi sia napangke’oi a’gan kepenaa sia ma’kurre sumanga’ lako tu To unno’ko’ dao isungan,

KADA OMBO’ LAKO RASULU’ YOHANES 5:1

Kutiromi lan lima kananNa Puang tu unno’ko’ dao isungan kapayungan iato misa’ sura’, tu disura’ lanna lu sia salianna, sia dica’ pitu ca’.

KADA OMBO’ LAKO RASULU’ YOHANES 5:13

Kurangimi mintu’ panampa lan suruga, sia lan lino, sia diong mangapi’na tana sia lan tasik, sia mintu’na issinna ma’kada, nakua: Lako Puang tu unno’ko’ dao isungan kapayungan sia lako Anak domba nanii tu kadipudian sia kadipangkeran sia kadipakala’biran sia kapaan sae lakona.

KADA OMBO’ LAKO RASULU’ YOHANES 6:16

Anna ma’kada lako mintu’ tanete sia buntu batu: Tuannikanni sia rerungkanni dio mai oloNa Puang tu unnisung dao isungan kapayungan iato, sia dio mai kasengkeanNa Anak domba.