KADA OMBO’ LAKO RASULU’ YOHANES 4:11 - Sura' Madatu

¹¹ O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.

KADA OMBO’ LAKO RASULU’ YOHANES 4:11 ပူးပေါင်းရင်းမြစ်များ

KADADIAN 1:1

Iatonna tipamulanna, Napadadii Puang Matua tu langi’ sola lino.

2 SAMUEL 22:4

Metambana’ kukua: Sipatu tu PUANG dipudi! Tu belanna tilendokmo’ dio mai mintu’ ualingku.

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

AYUB 36:3

La kuala mambela tu kapaissanangku sia la ussanda tonganni To tumampaku;

PA’PUDIAN 18:3

O PUANG, buntu batungku sia tambakukungku sia To urrampananna’, Iamo kapenombangku sia buntu batungku, tu kunii mentirerung, Iamo kupobalulang, sia tanduk kasalamarangku, sia pentionganan layukku.

PA’PUDIAN 68:34

Iamotu To ma’kareta dao masuanggana mintu’ langi’ tempon dio mai, rangimi, umpalaomo gamaranNa, iamotu gamara kalle-kallean!

KATASSURAN 20:11

Belanna annan allona Nanii PUANG umpadadi tu langi’ sia lino sia tasik sola mintu’ issinna, anNa torroi tonna allo ma’pempitu; iamoto Napassakkei PUANG tu allo katorroan sia Napamadatu.

SARAMBU PEADA’ 16:4

Mangkamo Napadadi PUANG tu mintu’na la unturu’i tu lalan pa’inaanNa, moi na iatu to tang mekaaluk, la Naparampoi duka allo kamandasan.

YESAYA 40:26

Mentingarakomi langngan, ammi tiroi; mindara umpadadi te mintu’ ma’dandan maritik dao? Iamotu Puang tu umpopa’lengkoanni tassu’ tu sangtuntunan kapua baananna sia tu untambai simisa’-misa’i sanganna tu mintu’nato tete dio kakapuanna matoto’Na sia kakapuanna paanNa; na moi misa’ tae’ torro.

YESAYA 40:28

Tae’raka ammu issanni, tae’paraka ammu rangii, kumua iatu PUANG, Iamo Kapenomban matontongan, To kumombongna mintu’ randan langi’. Tang mekaboyo’ sia tang mekata’ka’, tang dilambi’ tu kamanaranganNa.

YEREMIA 10:11

– La susi kadammi lako tau iato mai, kumua: Iatu mintu’ deata, tu tae’ napadadi langi’ sola lino, la pa’de dao mai kuli’na padang sia lan mai nasambo langi’, –

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

PENGGAURANNA RASULU’ 14:15

Nakua: E tau, ma’apari ammi pogau’ri te iannate? Kami te tolino duka bangsiakan susi kamu, sia umpa’peissanangkan Kareba-kaparannuan lako kalemi, kumua ammi memboko’ dio mai apa tae’ bua’na ammi lu lako Puang Matua matontongan, tu umpadadi langi’ sia lino sia tasik na mintu’ issinna.

PENGGAURANNA RASULU’ 17:24

Iatu Puang Matua umpadadi lino sia mintu’ issinna, Iamo Puangna langi’ sia lino, tae’ Natorro lan banua penomban, tu panggaraga lima;

ROMA 11:36

Belanna iatu mintu’ angge maritik lu dio mai Kalena sia tete dio Kalena sia lu lako Kalena. Lu lako duka Kalena tu mintu’ kamala’biran sae lakona. Amin.

EFESUS 3:9

sia umpamanassai lako mintu’ tau tumba tu diona umpalolang rasia tu tempon diomo mai kabunian bang lan Puang Matua, To umpadadi mintu’ angge maritik,

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

IBRANI 1:10

Nakuapa: Kamumo, o Puang, tonna tipamulanna umparandanganni te lino sia iatu langi’ panggaraga limamMi;

IBRANI 1:2

nama’katampakanna attu iate, ma’kadaMi lako kaleta Nalopian AnakNa tu Napamanassa umpomana’ mintu’na, tete dio dukari anNa padadii tu angge maritik.

KADA OMBO’ LAKO RASULU’ YOHANES 1:6

sia umpadadiki’ misa’ kadatuan sia tominaa lako oloNa PuangNa sia Ambe’Na; lu lakomo Kalena tu mintu’ kamala’biran sia kapaan tontong sae lakona. Amin.

KADA OMBO’ LAKO RASULU’ YOHANES 10:6

anna menggata ussa’bu’ sanganNa Puang tu tuo matontongan, tu umpadadi langi’ sola mintu’ issinna sia lino sola mintu’ issinna sia tasik sola mintu’ issinna, kumua: tae’mo nala disorong.

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

KADA OMBO’ LAKO RASULU’ YOHANES 19:1

Undinnato kurangimi tu oni susi misa’ gamara kapuana to buda lan suruga ma’kada nakua: Haleluya! Kapenombanta unnampui kamakarimmanan sia kamala’biran sia kapaan,

KADA OMBO’ LAKO RASULU’ YOHANES 5:12

tu ma’kada umpekapuai gamaranna: Sipatu tu Anak domba tu direre’ untarima kuasa sia kasugiran sia kakinaan sia kamatotoran sia kadipangkeran sia kamala’biran sia kadipudian.

KADA OMBO’ LAKO RASULU’ YOHANES 5:2

Sia kutiro misa’ malaeka’ matoto’ metamba umpekapuai gamaranna, nakua: Mindara sipatu la umbungka’i tu sura’ iato sia usserekki tu ca’na?

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.