KADA OMBO’ LAKO RASULU’ YOHANES 4:1 - Sura' Madatu

¹ Undinnato kutiromi tu misa’ ba’ba tibungka’ dao suruga, na iatu gamara bunga’-bunga’na susito oni tarompe’ pua ma’kada lako kaleku, Nakua: Kendekko mai, angKu pakitangko tu apa tae’ nasalai tang la dadi undinna.

KADA OMBO’ LAKO RASULU’ YOHANES 4:1 ပူးပေါင်းရင်းမြစ်များ

KATASSURAN 1:1

Inde sia tu sanganna Israel tu male lako Mesir sola Yakub; rampomi lako tu tau iato mai pantan umbaa repokna, iamotu:

KATASSURAN 19:24

Ma’kadami tu PUANG lako, Nakua: Malemoko rokko, ammu kendek pole sola Harun, apa iatu mai to minaa sia to buda da nasuangi tu rompo la kendek umperreke’i PUANG, da Nakare’dekki tu tau iato.

KATASSURAN 24:12

Ma’kadami tu PUANG lako Musa Nakua: Kendekko langngan buntu mennolo lako Kaleku sia torroko inde to, angKu benko papan batu, iamo sukaran aluk sia pepasan Kusura’ la unnada’i tu tau iato mai.

SARAMBU PEADA’ 25:7

Belanna mandu melo, kema’kadai tau lako kalemu, nakua: Maleko mai, kendekko langngan!, na iake napamadiongangko tau dio olona to mala’bi’, tu mangka nata’pai matammu.

YEHEZKIEL 1:1

Iatonna taun ma’pentallungpulo, bulan ma’penna’pa’, allo ma’pellima bulan iato, tongku torro sola mintu’ to dipali’, dio randan salu Kebar, ta’kala anna tibungka’mo tu langi’, angku tiroi tu ba’tu pira-pira patiro mendeata, tu Napaombo’ Puang Matua.

MATIUS 3:16

Tonna mangka tu Yesu didio’, ta’pa kendekmi diong mai to’ uai; pakalan ia tibungka’mi tu langi’, Nakitai tu PenaanNa Puang Matua susi bu’ku’ songlo’ sae lako Kalena.

MARKUS 1:10

Iatonna kendekmo diong mai to’ uai, ta’pa Natiromi tu langi’ tibangnga nasonglo’ tu PenaanNa Puang Matua lako Kalena susi bu’ku’.

LUKAS 3:21

Den pissan tonna popedio’ nasang kalena tu tau, Yesu didio’ duka, marassanmo massambayang, natibungka’ tu langi’.

YOHANES 16:13

Apa ianNa sae Ia, Iamotu Penaa Kamanapparan la Nalalankomi lako mintu’na kamanapparan belanna tae’ Nama’inaanna kalena ma’kada-kada, sangadinna iatu Naranginna ia dukamo Napokada; sia Napa’peissanan lako kalemi tu mintu’na apa la dadi.

PENGGAURANNA RASULU’ 10:11

Nakitami tu langi’ tibungka’, namengkalao dao mai tu apa misa’, susito sampin kalua’, diulangi a’pa’ tu tetukna natirorro’ sae rokko padang.

PENGGAURANNA RASULU’ 7:56

Nakuami: Tiromi kukita tu langi’ tibungka’ na iatu Anak rampan dilino ke’de’ dio kananNa Puang Matua.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

KADA OMBO’ LAKO RASULU’ YOHANES 1:12

Messailemo’ lu lako tu gamara ma’kada lako kaleku. Iatongku messaile untiromo’ pitu tongkonan palita bulaan.

KADA OMBO’ LAKO RASULU’ YOHANES 1:19

Iamoto sura’i tu apa mangkamo mutiro sia tu apa denmo totemo te, sia tu apa la dadi undinna.

KADA OMBO’ LAKO RASULU’ YOHANES 11:12

Tau iato mai mangka urrangi misa’ gamara kapua dao mai langi’ ungkuanni sola duai: Kendekkomi mai. Kendekmi sola duai langngan langi’ naputu’ gaun, sia mintu’ ualinna untiroi.

KADA OMBO’ LAKO RASULU’ YOHANES 11:19

Tibungka’mi tu banuanNa Puang Matua dao suruga, kaananmi tu patti pangalluranNa Puang Matua lan tu banua iato; saemi ba’tu pira-pira kila’ sia gamara sia guntu’ sia lino’ sia uran batu kamban.

KADA OMBO’ LAKO RASULU’ YOHANES 16:17

Na ia tu malaeka’ ma’pempitunna umbolloan gori-gorinna dao langi’, denmi misa’ gamara kapua tassu’ lan mai banuanNa Puang Matua, dio mai isungan kapayungan iato, ma’kada nakua: Dadi nasangmo.

KADA OMBO’ LAKO RASULU’ YOHANES 19:11

Tiramban kutiromi tu langi’ tibungka’, napayan tu misa’ darang busa’, na iatu to ussakei disanga Maruru’ sia Tongan, anNa tang pakayun bimbang ma’paolai salu sia parari.

KADA OMBO’ LAKO RASULU’ YOHANES 22:6

Nakuami lako kaleku: Mintu’ kada iate matappa’ sia tonganna. Iatu Puang Matua, Puangna mintu’ penaanna nabi, ussuamo malaeka’Na umpakitanni mintu’ taunNa tu apa tae’ anna salai tang la dadi madoi’.