KADA OMBO’ LAKO RASULU’ YOHANES 3:7 - Sura' Madatu

⁷ Surasanni malaeka’ kombongan Filadelfia susite: Iamote tu kada lu dio mai Puang maindan sia tongan, tu untoe gontingna Daud, tu umbungka’i, nata’e misa’ tau ungkullei untutu’i, sia Ia untutu’i natae’ misa’ tau ungkullei umbungka’i:

KADA OMBO’ LAKO RASULU’ YOHANES 3:7 ပူးပေါင်းရင်းမြစ်များ

AYUB 11:10

Iake matira’I sae, anna ma’tingkan sia ma’paolai salu lan kombongan, minda tu la umpadapa Puang?

AYUB 12:14

IanNa rondonni Puang, tae’mo nadibangun sule; iake Natarungkui tu tau, tae’ nadibungkaran.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

PA’PUDIAN 16:10

Belanna tae’ Mila unneloranni tu sumanga’ku tama lino to mate, sia tae’ Mieloranni tu to Mipakaboro’ unnisungi inan tang merambu.

PA’PUDIAN 89:18

Belanna Kamuri tu napomala’bi’ kamatotoranna, sia diona kamasorokamMi amMi pataranggai tu tandukki.

YESAYA 22:22

Sia iatu gonting ba’ba tongkonan layukna Daud, la Kupalangngan palempengna, anna bungka’i, natae’ misa’ tau la untutu’i sule, anna tutu’i, natae’ misa’ tau la umbungka’i.

YESAYA 30:11

Mallaikomi dio mai lalan, sepangkomi dio mai batatta; patoyangi tu To maserona to Israel dio mai tingayoki.

YESAYA 41:14

Da mumataku’, e Yakub pada ulli’, e Israel bangsa bitti’! Akumote tu untunduiko, kadanNa PUANG, na iatu Pela’bakmu iamo To maserona Israel.

YESAYA 41:16

La muta’pii, anna baai angin sia napentiaran bara’; apa iatu iko la kumalasi belanna PUANG sia massattuan belanna To maserona Israel.

YESAYA 41:20

Dikua anna tiroi sia nakatappa’i anna kilalai situang kapaissananna tau iato mai, kumua limanNa PUANG umpogau’i sia To maserona Israel umpadadii.

YESAYA 47:4

Iatu sanganna Pela’bakta, iamo PUANGna mintu’ ma’dandan maritik. To maserona to Israel.

YESAYA 48:17

Nakua kadanNa PUANG, Pela’bakmu, To maserona to Israel, nakua: Akumote tu PUANG, Kapenombammu, tu nenne’ umpatuduko, kumua ammu maupa’, sia Aku duka urrendenko lako lalan sipatu muolai.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

MATIUS 16:19

La Kubenko tu gontingna Parenta Suruga. Sia apa-apa tu muarra’i lan lino, ia dukamo la maarra’ lan suruga, sia apa-apa tu muko’ka’i lan lino, ia dukamo la tiko’ka’ lan suruga.

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

MARKUS 1:24

nakua: E, Yesu to Nazaret, la siapariki’! La saeKomi ussanggangikan. Kutandai siaKomi, kumua mindaraKomi te, iamora To Sallo’ lu dio mai Puang Matua.

LUKAS 1:32

Iamo la kapuanna sia la digente’ Anak Puang Patodoranna sia la Nasorong Puang Kapenombanta lako Kalena tu isungan kapayunganna Daud nene’Na.

LUKAS 4:34

Popa’elo’nakan kami, la siapariki’ e Yesu, to Nazaret! SaeroKomika la ussanggangkan? Kuissan sia kumua mindaraKomi, iamora To masallo’ lu dio mai Puang Matua.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

PENGGAURANNA RASULU’ 3:14

Mipeonganni kamu tu To maseropindan sia malambu’, ammi palakui tu to papatean dirampananankomi butung misa’ pa’kamasean lako kalemi.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

KADA OMBO’ LAKO RASULU’ YOHANES 1:11

nakua: Apa-apa tu mutiro, sura’i lan misa’ sura’, ammu pakatui lako pitu kombongan, iamotu lako Efesus, sia Smirna, sia Pergamus, sia Tiatira, sia Sardis, sia Filadelfia na Laodikia.

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

KADA OMBO’ LAKO RASULU’ YOHANES 16:7

Kurangi dio mai to’ inan pemalaran ma’kada nakua: Tonganna, o Puang Matua, Puang Umpoissan angge maritik, tongan sia malambu’ tu mintu’ ukungamMi.

KADA OMBO’ LAKO RASULU’ YOHANES 19:11

Tiramban kutiromi tu langi’ tibungka’, napayan tu misa’ darang busa’, na iatu to ussakei disanga Maruru’ sia Tongan, anNa tang pakayun bimbang ma’paolai salu sia parari.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

KADA OMBO’ LAKO RASULU’ YOHANES 2:1

Surasanni malaeka’ kombongan dio Efesus susite: Kumua iamote tu kada lu dio mai Puang tu untoe pitu bintoen lan lima kananNa, tu sumalong lu lako lu dio mai lan tangngana tu pitu tongkonan palita bulaan.

KADA OMBO’ LAKO RASULU’ YOHANES 21:5

Pakalan na iatu To unnisung dao isungan kapayungan iato, ma’kada Nakua: Tiroi, Kupopemba’ru nasang. Sia Nakuapa: Sura’i, belanna kada iate matappa’ sia tonganna.

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?