KADA OMBO’ LAKO RASULU’ YOHANES 22:2 - Sura' Madatu

² Lan tangnga lalan lan tondok iato sia patomalinna randanan salu iato den kayu katuoan, membua pessangpulo dua; bulanoi membuaoi, namintu’ daunna napomondo mintu’ bangsa.

KADA OMBO’ LAKO RASULU’ YOHANES 22:2 ပူးပေါင်းရင်းမြစ်များ

KADADIAN 2:9

Indeto dio Nanii PUANG Kapenomban umpatuo ma’rupa-rupa kayu, naporai tau untiroi sia melo la dikande, sia den duka tu kayu katuoan, lan tangnga pa’lak iato, sia kayu kapaissanan diona melo na kadake.

PA’PUDIAN 147:3

Ia umpamondoi tu mintu’ to bonnong penaanna, sia Nabimbin tu mai bangkena.

SARAMBU PEADA’ 3:18

Iamo napooto’ katuoan minda-minda tu untoei, sia minda-minda tu ulla’ka’i la dipudi kumua to maupa’.

YESAYA 6:10

Pabattukki tu penaanna bangsa iate sia patarui tu talinganna, sia pasipi’da’i tu matanna, da napatiro sia da naparangi sia da napaissan, naurungan tae’ anna mengkatoba’ sia tae’ nadipamaleke.

YEREMIA 17:14

O PUANG, pamatanana’ angku matana; tunduina’ angku makarimman belanna Kamumo tu kapudiangku.

YEHEZKIEL 47:1

Attu iato nabaamo’ sule lako to’ lalan tama Banua; kutiromi naden ia uai lolong lan mai diongna lu ampang Banua ma’palulako rampe matallo, belanna iatu tingo Banua ma’palulako rampe matallo, iatu uai lolong lan mai diongna lu sa’de kanan banua, rampe lo’na lu inan pemalaran.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

ZAKHARIA 14:8

Allo ia dukato ba’tu pira-pira kalimbuang boba la lolong lan mai Yerusalem, sesena la lu lako tasik rampe matallo na iatu sesena la lu lako tasik rampe matampu’; moi anna pealloan, moi anna attu madingin la dadi susito.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

LUKAS 4:18

Den Penaa Masallo’Na Puang Matua lan Kaleku, Belanna mangkaMo’ Nabolloi minna’ la umpa’pangadaran Kareba melo lako to kalala’;

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.

KADA OMBO’ LAKO RASULU’ YOHANES 2:7

Minda-minda ketalinga, la naperangii tu apa Napokada Penaa lako mintu’ kombongan. Na lako to patalo, la Kupakande bua katuoan tu lan FirdausNa Puang Matua.

KADA OMBO’ LAKO RASULU’ YOHANES 21:21

Iatu sangpulo dua babangan iato sangpulo dua mattiara; misa’ mattiara digaraga misa’ babangan. Na iatu batatta lan tondok iato bulaan massang susi sammin mase’rok.

KADA OMBO’ LAKO RASULU’ YOHANES 21:24

Na mintu’ bangsa la lolang lan arrangna, sia mintu’ datu lan lino la umbaa kamala’biranna tama tondok iato.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

KADA OMBO’ LAKO RASULU’ YOHANES 22:14

Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.

KADA OMBO’ LAKO RASULU’ YOHANES 22:19

sia iake denni tau umpa’deanni pira tu kada lan sura’ pa’nubua’ iate, manassa la Napaputta Puang Matua tu taana dio mai kayu katuoan sia dio mai tondok maindan, susitu disura’ lan sura’ iate.