KADA OMBO’ LAKO RASULU’ YOHANES 22:15 - Sura' Madatu

¹⁵ Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.

KADA OMBO’ LAKO RASULU’ YOHANES 22:15 ပူးပေါင်းရင်းမြစ်များ

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

SARAMBU PEADA’ 12:22

Iatu puduk umpokada bang mo’rang Nakagalli PUANG, apa iatu to umpogau’ bang kamarurusan iamo Napopaiman.

SARAMBU PEADA’ 7:27

Iatu banuanna butung to lalan lako banuanna tomate, tu solo’ rokko bilik-bilik kamatean.

YESAYA 47:12

Tontongko umpogau’i tu pa’basa-basamu sia kabudanna pa’balik matammu tu mupa’boyo’-boyo’i tempon dio mai bitti’mu, den sia manii gai’na lako kalemu, la umpatiramban deata masusu’.

YESAYA 47:9

Na iate apa iate da’dua tae’ mukapangi anna dadi lako kalemu, lan sangallori; iamotu kasisayuran anak sia kabaluan; mintu’na la ganna’ tongan urruako, moi anna buda pa’balik matammu sia pa’basa-basamu.

YESAYA 57:3

Apa kamu, mengkareke’komi mai, e anakna baine ma’balik mata, bati’ muane umpoka rampanan kapa’ sia baine ma’pangan buni.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

MATIUS 7:6

Da mibenni apa masero tu asu sia da mipembuanganni tu mattiarammi lako to’ bai, nalullu’ manii anna sule umballak-ballakkomi.

MATIUS 8:12

apa iatu to dianak lan Parenta iato la dipembuangan tama malillinna dio salian, diomo la nanii katumangiran sia kasisangeran isi.

YOHANES 8:46

Mindarokomi ma’din ungkanassaiNa’ diona kasalan? Iake umpokadaNa’ tonganna, ma’apai natae’ mipatonganNa’?

PENGGAURANNA RASULU’ 8:11

Mintu’na tu tau iato mai mengkaola nasang lako, apa masaimo umpatirambanni tu tau iato mai diona mintu’ balik matanna.

PA’TOLE 23:18

Da mubaai tama banuanNa PUANG, Kapenombammu, tu saro killangan dodo ba’tu saro pa’gau’ asu, la umpalanda’ misa’ pangallonan, belanna iate da’dua gau’ misa’ apa Nakagalli PUANG, Kapenombammu.

FILIPI 3:2

Kanandaikomi kalemi dio mai to dadi asu; kanandaikomi kalemi dio mai to umpogau’ kakadakean; kanandaikomi kalemi dio mai sunna’ sala.

KOLOSE 3:6

belanna mintu’namira tu iannato anna sae tu kasengkeanNa Puang Matua;

1 TIMOTIUS 1:10

to ma’pangngan buni sia to sigau’ sala padanna muane, sia to umboko tau, to buttokan sia to menggata tang tongan, sia apa-apa tu sisalanna pangadaran mepamanaman,

KADA OMBO’ LAKO RASULU’ YOHANES 18:23

Sia arrang palita inang tae’mo anna la parrang lan lili’mu, sia gamara muane diparampo sia baine narampoi tae’mo anna la dirangi lan. Belanna mintu’ to ma’baluk-balukmu to kapua lan lino; belanna balik matammu, pusami tu mintu’ bangsa.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.