KADA OMBO’ LAKO RASULU’ YOHANES 22:14 - Sura' Madatu

¹⁴ Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.

KADA OMBO’ LAKO RASULU’ YOHANES 22:14 ပူးပေါင်းရင်းမြစ်များ

KADADIAN 2:9

Indeto dio Nanii PUANG Kapenomban umpatuo ma’rupa-rupa kayu, naporai tau untiroi sia melo la dikande, sia den duka tu kayu katuoan, lan tangnga pa’lak iato, sia kayu kapaissanan diona melo na kadake.

KADADIAN 3:22

Ma’kada PUANG Kapenomban: Tonganna iatu tolino susi bang to misa’mo dio mai te Kita, naissan tu melo sia kadake; totemo nakorongi manii limanna, naalami tu bua kayu katuoan nakandei natuomo tontong sae lakona.

PA’PUDIAN 112:1

Haleluya! Maupa’ tu to ungkataku’ PUANG, sia to ungkamali’ tonganni tu pepasanNa.

PA’PUDIAN 118:20

Iamote tu ba’baNa PUANG, mintu’ to malambu’ la unnolai tama.

KATASSURAN 19:10

Ma’kadami tu PUANG lako Musa, Nakua: Maleko lako to buda, ammu pemaseroi tu tau iato mai te allo iate sia masiang; la nabusukki tu pakeanna.

DANIEL 12:12

Maupa’ tu to matangkin ma’peagi, anna lambi’i tu attu sangsa’bu talluratu’ tallungpulo llima allona.

YOHANES 10:7

Nakua pole’omi Yesu: Tonganna tongan Kukua mati’, Akumote tu ba’ba domba.

YOHANES 10:9

Akumote tu ba’ba. Iake denni tau unnolaiNa’, iamo makarimman sia lu tama lu lan mai naungkabu’tui kande.

YOHANES 14:15

Iake mikamali’Na’, la mikaritutui tu mintu’ parentaKu.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

YOHANES 4:12

Kamuraka la ondong na iatu Yakub, nene’ to doloki, tu mangka umbenkanni te bubun, na ia kalenamo unniru’i, sia anakna sia mintu’ patuoanna?

1 KORINTUS 7:19

Iatu disunna’ tae’ patunna, sia iatu tang disunna’ tae’ patunna, sangadinna iari tu ungkanannangi parentaNa Puang Matua.

1 KORINTUS 8:9

Apa pengkilalai, da anna potitumbui to langga’ kapatongananna tu kataeranna mikatondo’i.

1 KORINTUS 9:5

Tang sipaturakannika la ungkaloli’ misa’ baine siulu’ta tu kisibalianna, susitu mai rasulu’ senga’ sia iatu mai siulu’Na Puang sia Kefas?

GALATIA 5:6

Belanna iake sirapumoki’ Kristus Yesu, la umpogau’ ba’tu tang umpogau’ sunna’, tae’ kuasanna, sangadinna kapatonganan tu napakedo pa’kaboro’.

1 YOHANES 3:3

Na minda-minda tu den kapa’rannuanan iate lako Kalena, iamo umpemaseroi kalena, susi Kristus masero.

1 YOHANES 5:3

Belanna iamo kamamaliran lako Puang Matua, ke dikaritutui tu mintu’ parentaNa; iatu mintu’ parentaNa tae’ namagasa.

KADA OMBO’ LAKO RASULU’ YOHANES 2:7

Minda-minda ketalinga, la naperangii tu apa Napokada Penaa lako mintu’ kombongan. Na lako to patalo, la Kupakande bua katuoan tu lan FirdausNa Puang Matua.

KADA OMBO’ LAKO RASULU’ YOHANES 21:12

Kebenteng kapua sia malangka’, sia sangpulo dua babanganna; anna iatu mintu’ babangan iato nanii sangpulo dua malaeka’, sia mintu’ sanga disura’ lako babangan iato, iamotu sanganna sangpulo dua suku to Israel.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

KADA OMBO’ LAKO RASULU’ YOHANES 22:2

Lan tangnga lalan lan tondok iato sia patomalinna randanan salu iato den kayu katuoan, membua pessangpulo dua; bulanoi membuaoi, namintu’ daunna napomondo mintu’ bangsa.

KADA OMBO’ LAKO RASULU’ YOHANES 22:7

Kilalai, la madoi’Na’ sae. Maupa’ tu to ungkaritutui mintu’ kada pa’nubua’ lan sura’ iate.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.