KADA OMBO’ LAKO RASULU’ YOHANES 22:12 - Sura' Madatu

¹² Kilalai, la saeNa’ madoi’, na iatu pepakkan dio mai Kaleku Kubaa len, dikua angKu papakkanni simisa’-misa’i tu tau sitinaya penggauranna.

KADA OMBO’ LAKO RASULU’ YOHANES 22:12 ပူးပေါင်းရင်းမြစ်များ

AYUB 34:11

Senga’ tongan ia tu Puang, umpabala’i tu penggauranna tolino sia pantan Naperasai sitinaya kedona.

PA’PUDIAN 28:4

Papakkanni tu tau iato mai sitinaya gau’na, sia sitinaya kakadakeanna penggauranna; papakkanni sitinaya lalan limanna, pabala’i tau iato mai sitinayanna tu napogau’na.

YESAYA 40:10

Manassa la sae tu Puangta PUANG situang kamawatangan, sia iatu limanNa umpalalo parenta. Iatu polean dio Kalena sia iatu pepakkan dolo dio oloNa.

YESAYA 62:11

Belanna Napa’perangian PUANG landa’ lako randan langi’, Nakua: Pokadanni anak dara Sion kumua: tiromi, iatu kasalamarammu la rampomo; iatu polean diomo Kalena sia iatu pepakkan dolomo dio oloNa.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

ZEFANYA 1:14

Mareke’mo tu allo kapuanNa PUANG, mareke’mo sia madomi’ bangmo rampo mengkareke’. Perangiimi tu alloNa PUANG. Moi anna iatu to lalong metamba duka diona kamaparrisan.

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

ROMA 14:12

Iamoto anta sipatu pantan la ussalui (lako Puang Matua) tu diona kaleta.

1 KORINTUS 3:14

Iake denni panggaraganna misa’ tau tontong, tu nabangunna dao tu parandangan, manassa nakabu’tui tu bua kara’tasanna undinna.

1 KORINTUS 3:8

Iatu to mantanan anna to ma’sakka’i pada-pada, apa pantan la unnappa’ sarona, tu sitinayanna pengkaranganna.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

KADA OMBO’ LAKO RASULU’ YOHANES 20:12

Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.

KADA OMBO’ LAKO RASULU’ YOHANES 22:20

Iatu To umpamanassai te mintu’na apa iate, Nakua ma’kada: Tonganna, la saeNa’ madomi’. Amin, maimoKomi, o Puang Yesu!

KADA OMBO’ LAKO RASULU’ YOHANES 22:7

Kilalai, la madoi’Na’ sae. Maupa’ tu to ungkaritutui mintu’ kada pa’nubua’ lan sura’ iate.

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.