KADA OMBO’ LAKO RASULU’ YOHANES 22:11 - Sura' Madatu

¹¹ Iatu to kelok, da’ito napatarru’i umpogau’ kakelokanna, sia iatu to maruttak, da’ito anna samaruttak-ruttakna; na iatu to malambu’, dai’to napatarru’i umpogau’ kamalamburan; na iatu to masallo’ da’ito anna sadipamasallo’-sallo’na.

KADA OMBO’ LAKO RASULU’ YOHANES 22:11 ပူးပေါင်းရင်းမြစ်များ

AYUB 17:9

Moi nasusito iatu to malambu’ umpatontong lalanna, sia minda-minda tu masero limanna la kerangan tu kamatotoranna.

PA’PUDIAN 81:12

Apa iatu taungKu noka umperangiiNa’, sia tae’ naporaiNa’ to Israel.

SARAMBU PEADA’ 14:32

Iatu to tang mekaaluk disongkan lan kamandasanna, apa iatu to malambu’ moi nala ka’tu sunga’na den duka pentilindunganna.

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

TOMANGADA’ 11:3

Ianna maru’gun tu gaun, umbanasami tu uran kamban tama lino; sia ianna songka tu batang kayu lu sau’ ba’tu lu rekke, iatu nanii songka, inde dukato nanii sumpandan.

YEHEZKIEL 3:27

Apa iangku pa’kadaimoko, la Kubungka’ tu sadangmu, ammu pokadai lako, kumua: Inde sia tu kadanNa Puangta PUANG: Minda-minda morai untananni talinga, nama’perangi, na minda-minda tae’ natananni talinga da’imito. Belanna to pabali-bali tu tau iato mai.

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

MATIUS 15:14

Elo’na ia namale. Perenden butanna ia to buta tu tau iatu mati’. Iake to buta urrenden to buta, inang la tobang sola duai rokko garuang.

MATIUS 21:19

Iatonna kitami tu ara sangto’ dio biring lalan, laomi lako, natae’ bang apa misa’ duka Nakabu’tui dio kayu iato, sangadi daunna manna. Nakuami ungkuanni: Damo mumembua len sae lakona! Ta’pa malayu bangsiami tinde kayu ara.

MATIUS 25:10

Memboko’mo male unnalli minna’, anna sae tu to diparampo; na iatu ma’parandanna tamamo naturu’i tu to diparampo tama pa’maruasan rampanan kapa’; disalli’mi tu ba’ba.

MATIUS 5:45

ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

YOHANES 8:21

Nakua pole’omi Yesu lako tau iato mai: Aku te la maleNa’, sia la midaka’Na’, sia la mate situangkomi kasalammi, apa iatu inan la Kunii male, tae’ mibelai ullambi’i.

EFESUS 5:27

sia kumua anna Ia kalena umpabendanni tu kombongan dio oloNa sikambi’ kamala’biran tang den kadakena ba’tu tingkurrungna ba’tu senga’na, sangadinna masero tae’ sayuanna.

KOLOSE 1:22

apa totemo mangkamokomi Napasikaelo diona kamateanNa lan kale tolinoNa, la umpopennolo maserokomi sia tae’ attanganmi sia sayuammi dio oloNa Puang Matua,

2 TIMOTIUS 3:13

Apa iatu to kadake sia to patangnga’ la samasarrang-sarrangna kakadakeanna ma’papusa sia ia kalena duka pusa.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,

KADA OMBO’ LAKO RASULU’ YOHANES 16:21

Saemi tu uran batu kamban unta’pai tolino, agi-agi sangtalenta magasanna ke misa’i, napa’kada solangimi tolino tu Puang Matua belanna kamaparrisan uran batu, apa lendu’ kapuana tu kamaparrisan iato.

KADA OMBO’ LAKO RASULU’ YOHANES 22:3

Tae’ ia tampak ropu dio; na iatu isungan kapayunganNa Puang Matua sia Anak domba la tongkon lan, sia mintu’ taunNa la mengkaola lako Kalena,