KADA OMBO’ LAKO RASULU’ YOHANES 22:1 - Sura' Madatu

¹ Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

KADA OMBO’ LAKO RASULU’ YOHANES 22:1 ပူးပေါင်းရင်းမြစ်များ

PA’PUDIAN 46:4

Moi anna mongngo’ sia tikula’dak tu uainna, sia moi anna mintu’ buntu tiseno napobua’ tikula’dakna. Sela Apa Puangna mintu’ ma’dandan maritik urrondongkanni, sia iatu Kapenombanna Yakub iamo kipotambakuku matoto’. Sela

YESAYA 41:18

La Kupabu’tu tu salu dao tanete karing, sia la Kupaden tu mata uai diong lu lombok; la Kupopellimbong tu padang aak sia la Kupopengkalimbuang tu padang rangke.

YESAYA 48:18

Iakemmu la umperangii tu mintu’ pepasanKu, manassa iatu kamarampasammu susito salu sia iatu kamaloloammu butung to bombang tasik;

YESAYA 66:12

Belanna nakua kadanNa PUANG, Nakua: La Kupalolongi kamarampasan butung salu sia kamala’biranna mintu’ bangsa susi salu’-salu’ lempan. Attu iato la ma’mimmi’komi sia la dikepak sia dikayun dipamo’le’.

YEREMIA 17:13

sia pa’rannuanna to Israel, o PUANG! iatu mintu’ to untampeKomi la kasirisan; minda-minda tu memboko’ dio mai Kalemi, la disura’ tu sanganna diong padang, belanna natampemo tu kalimbuang boba iamotu PUANG.

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

ZAKHARIA 14:8

Allo ia dukato ba’tu pira-pira kalimbuang boba la lolong lan mai Yerusalem, sesena la lu lako tasik rampe matallo na iatu sesena la lu lako tasik rampe matampu’; moi anna pealloan, moi anna attu madingin la dadi susito.

YOHANES 13:32

Iake dipakala’bi’i tu Puang Matua lan AnakNa, la Napakala’bi’ duka Puang Matua lan Kalena, ontongpi ta’pa Napakala’bi’.

YOHANES 15:26

Apa ianna sae tu Panglalan la Kusua lako kalemi dio mai Ambe’, iamotu Penaa Kamanapparan tu lu dio mai Ambe’, iamoto tu la ungkatottongi tu diona Aku.

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.

KADA OMBO’ LAKO RASULU’ YOHANES 21:11

Nakabu’ kamala’biranNa Puang Matua. Iatu arrangna susi parimata masu’lik allinna, susi parimata intan, malinnong susi kinang.

KADA OMBO’ LAKO RASULU’ YOHANES 21:6

Ma’kadami lako kaleku Nakua: Sundunmo. Akumote tu Alfa sia Omega, iamo pamulanna sia ma’katampakanna. Iatu to ma’rang la Kupairu’ uai kalimbuang katuoan, tu tang dialli.

KADA OMBO’ LAKO RASULU’ YOHANES 21:9

Saemi misa’ tu malaeka’ pitu tu mangka untoe pitu gori-gori nanii ponno pitu kamaparrisan ma’katampakanna, nama’kada lako kaleku nakua: Maiko, la kupatiroangko baine la ma’kapa’, iamotu baineNa Anak domba.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

KADA OMBO’ LAKO RASULU’ YOHANES 22:6

Nakuami lako kaleku: Mintu’ kada iate matappa’ sia tonganna. Iatu Puang Matua, Puangna mintu’ penaanna nabi, ussuamo malaeka’Na umpakitanni mintu’ taunNa tu apa tae’ anna salai tang la dadi madoi’.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 5:13

Kurangimi mintu’ panampa lan suruga, sia lan lino, sia diong mangapi’na tana sia lan tasik, sia mintu’na issinna ma’kada, nakua: Lako Puang tu unno’ko’ dao isungan kapayungan sia lako Anak domba nanii tu kadipudian sia kadipangkeran sia kadipakala’biran sia kapaan sae lakona.

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.