KADA OMBO’ LAKO RASULU’ YOHANES 21:4 - Sura' Madatu

⁴ Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

KADA OMBO’ LAKO RASULU’ YOHANES 21:4 ပူးပေါင်းရင်းမြစ်များ

PA’PUDIAN 144:4

Iatu to lino ten to damo’, sia iatu sunga’na butung bayo-bayo pa’de poton.

YESAYA 25:8

La Napaputta tontong sae lakona tu kamatean, sia la Napa’dii Puangta PUANG tu mai uai mata, sia iatu kamatunanna taunNa la Napa’dei lan mai mintu’ nasambo langi’, belanna susimoto tu kadanNa PUANG.

YESAYA 30:19

E bangsa Sion, tu torro dio Yerusalem, tae’mo mila tontong tumangi’, manassa Ia la ungkamaseikomi, ke Narangii tu peongli’mi, ianNa rangii manassa Napebaliikomi.

YESAYA 35:10

mintu’ to Nala’bak PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna; tau iato mai la unnappa’ kasendean sia kaparannuan, apa mintu’ kamasussan sia kasumarroan la mallai.

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

YESAYA 60:20

Tae’mo nala lambun tu allomu sia tae’mo nala pu’pu’ tu bulanmu, belanna PUANGmo tu mupoarrang matontongan sia rampo randannamo tu mintu’ allo kamasussammu.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

YEREMIA 31:12

Iamoto anna sae tu tau iato mai unnarrak-arrak dao tanete Sion sia sangsaean sirampun lako pamengan melona PUANG, iamotu gandung sia uai anggoro’ ba’ru sia minna’ sia anak domba sia anak sapi; iatu penaanna tau iato mai susito pa’lak disakka’i, tae’mo nala kapu’duran len.

YEREMIA 31:13

Attu iato iatu mintu’ anak dara parannu-rannu ma’gellu’, susi dukato tu muane mangura sia to matua parannu-rannu, belanna la Kupopembali kasendean tu passanda bolongna tau iato mai, sia la Kupakatana sia Kupakarannu, ke upu’mi tu kamasussanna.

HOSEA 13:14

La Kurampananraka tu tau iato mai dio mai kuasanna lino to mate, sia la Kula’bakraka dio mai kamatean? E kamatean, umbamira tu ropummu, e lino to mate umbamira tu pasanggangammu? Tang natandaimo matangKu tu kamamasean.

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

1 KORINTUS 15:26

Iatu uali ma’katampakanna la disabu’i, iamotu kamatean.

1 KORINTUS 7:31

sia to umpobeloi te lino la butung to tang sundun umpobeloi. Belanna iatu a’ganna te lino la pa’de.

2 KORINTUS 5:17

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

2 KORINTUS 6:17

Iamoto tassu’komi dio mai to’ to kapere’, sia messarakkomi, susimoto tu kadanNa Puang, sia da mirumbui tu apa maruttak; na Aku umpaalaikomi bilangan,

IBRANI 12:27

Iatu kada pissanpa umpatu kadipopembalianna mintu’ apa tibendon, iamotu apa dipadadi, kumua anna tontong tu tang tibendonna.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

1 YOHANES 2:17

Lino iate la lanna’ sola mintu’ kamaballoanna, apa iatu to umpogau’ pa’poraianNa Puang Matua tontong sae lakona.

KADA OMBO’ LAKO RASULU’ YOHANES 20:13

Anna pasun nasangi tasik tu to mate lan, sia iatu kamatean sia lino to mate umpasun dukai tu to mate lan; anna pantan dipaolai salunna sitinaya penggauranna.

KADA OMBO’ LAKO RASULU’ YOHANES 20:14

Nadipembuangan tu kamatean sola lino to mate tama limbong api iato; iamote tu kamatean ma’penduanna: tu limbong api.

KADA OMBO’ LAKO RASULU’ YOHANES 21:1

Pakalan kutiro polemi tu langi’ ba’ru sia lino ba’ru, belanna iatu langi’ sia lino bunga’na lanna’mo, sia iatu tasik tae’ dukamo.

KADA OMBO’ LAKO RASULU’ YOHANES 22:3

Tae’ ia tampak ropu dio; na iatu isungan kapayunganNa Puang Matua sia Anak domba la tongkon lan, sia mintu’ taunNa la mengkaola lako Kalena,

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.