KADA OMBO’ LAKO RASULU’ YOHANES 21:3 - Sura' Madatu

³ Kurangimi misa’ gamara kapua dao mai isungan kapayungan iato ma’kada nakua: Kilalai kumua iatu tendaNa Puang Matua nanii sola tolino, sia la torro Ia sisola tau iato mai, na tau iato mai mendadi taunNa, na Puang Matua Kalena la urrondongi.

KADA OMBO’ LAKO RASULU’ YOHANES 21:3 ပူးပေါင်းရင်းမြစ်များ

1 DATU 8:27

Apa tongannaraka tu Puang Matua torro dao kuli’na padang? Iatu langi’, moi na iatu langi’ ma’iringanna dao, tae’ anna kullei unnalaKomi, apa pole’pa te banua iate tu mangka kubangun.

2 OSSORANNA DATU 6:18

Tongannaraka tu Puang Matua la torro sola to lino dao kuli’na padang? Iatu langi’, moi iatu langi’ ma’iringanna dao, tae’ nakullei ulluangKomi, tang dipokada pissan te banua mangka kubangun.

KATASSURAN 25:8

Ia nagaraganNa’ tau iato mai tu inan maindan, angKu unnisung lan lu tangngana tau iato mai.

KATASSURAN 29:45

La unnisungNa’ lan lu tangngana to Israel sia Aku la dadi Kapenombanna.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

YEREMIA 32:38

Iatu tau iato mai la dadi taungKu na Aku dadi Kapenombanna.

YEHEZKIEL 37:27

Iatu inanKu la dio tau iato mai; la napoKapenombanNa’ tu tau iato mai sia la Kupotau.

YEHEZKIEL 43:7

Sia ma’kada tu Puang lako kaleku, Nakua: E ma’rupa tau, iamote tu inan nanii isungan kapayungangKu sia inan pala’ lette’Ku, tu la Kunii torro dio lu to Israel tontong sae lakona; tae’mo nala urruttakki to Israel tu sanga madatungKu, la tau iato mai, la iatu mai datunna napobua’ gau’ salana sia napobua’ batang rabukna datunna tau iato mai’ ke matemi.

YEHEZKIEL 48:35

Iatu mengguririkna lao sangpulo karua sa’bunna siku; naranduk dio mai allo iato iatu kota la disangai: Naisungi PUANG.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

ZAKHARIA 8:8

La Kupasule tu tau iato mai anna torro lan Yerusalem. Tau iato mai la dadi taungKu na Aku la dadi Kapenombanna situang kamarurusan sia kamaloloan.

KADIBILANGAN 9:16

Tontong bang susito; nasamboi gaun tu Kema iato, sia susito api ditiro ussamboi ke bongi.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

2 KORINTUS 6:18

sia angKu mendadi Ambe’mi, ammi dadi anakKu muane sia anakKu baine, susimoto tu kadanNa Puang tu Umpoissan angge maritik.

1 TESALONIKA 3:11

Dennoupa’ anNa Iamora, tu Puang Matua Ambe’ta sia Puangta Yesu umpalumati’i kalemi tu lalanki.

IBRANI 11:16

Apa iatu manassana tau iato mai ungkaduangi misa’ tondok mandu melo, iamotu dao suruga; iamoto anna tae’ Nakasirisanni Puang Matua nasa’bu’ Puangna, belanna Naparandanammo misa’ tondok.

IBRANI 8:10

Belanna iamote tu basse la Kutananan mintu’ to lan banuanna Israel, undinna dio mai attu iato, kadanNa Puang: la Kupatama tangnga’na tu mintu’ parentaKu, sia la Kusura’ duka lan penaanna, sia Aku la napoKapenomban, sia ia la Kupotau.

IBRANI 8:2

Iamo to mentoe dio inan maindan sia lan batang kema tongan, tu Napabendan Puang, tangia tolino.

KADA OMBO’ LAKO RASULU’ YOHANES 10:4

Iatonna unnonimo tu guntu’ pitu, angku la ussura’i, kurangimi misa’ gamara dao mai langi’, nakua: Ca’i to apa mangka napokada pitu guntu’ sia dandi’ sura’i.

KADA OMBO’ LAKO RASULU’ YOHANES 10:8

Iatu gamara mangka kurangi dao mai langi’ ma’kada pole’o lako kaleku, nakua: Maleko, alai tu sura’ tibungka’ lan limanna to malaeka’ mellese diong tasik sia dao karangkean.

KADA OMBO’ LAKO RASULU’ YOHANES 12:10

Kurangi pole’omi misa’ gamara kapua dao suruga, ma’kada: Totemo nalambi’mo tu kamakarimmanan sia kamatotoran sia kadatuanna Kapenombanta, sia kuasanNa To Natokko, belanna tipembuangmo rokko tu to umpangrosoan mintu’ siulu’ta, tu umpangrosoanni dio oloNa Kapenombanta allo bongi.

KADA OMBO’ LAKO RASULU’ YOHANES 21:7

Na iatu to patalo la umpomana’ mintu’ apa iate; Akumo la mendadi Puang Kapenombanna na ia la Kupoanak.

KADA OMBO’ LAKO RASULU’ YOHANES 22:3

Tae’ ia tampak ropu dio; na iatu isungan kapayunganNa Puang Matua sia Anak domba la tongkon lan, sia mintu’ taunNa la mengkaola lako Kalena,

KADA OMBO’ LAKO RASULU’ YOHANES 7:15

Iamo bannangna to anna dio olo isungan kapayunganNa Puang Matua, sia anna menomba lako Kalena allo bongi lan inan kabusunganNa; sia Puang tu unnisung dao isungan kapayunganNa la ungkulambu tarunoi.