KADA OMBO’ LAKO RASULU’ YOHANES 21:27 - Sura' Madatu

²⁷ Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

KADA OMBO’ LAKO RASULU’ YOHANES 21:27 ပူးပေါင်းရင်းမြစ်များ

PA’PUDIAN 101:8

Melambi’oi la kusabu’ioi tu mintu’ to tang mekaaluk lan padang iate, angku roto’i lan mai kotaNa PUANG tu mintu’ to umpogau’ kakadakean.

KATASSURAN 32:32

Totemo ke ma’dinni, Mipa’dei salana tau iato mai; iake tae’i, puttaina’ lan mai sura’Mi tu mangka Misura’.

YESAYA 35:8

Sia inde to la den misa’ batatta marante, tu digente’ lalan maindan; moi misa’ to maruttak tae’ unnolai; sangadinna tau ia manna to mai umpolalanni, sia tang nalomban to lumio’ sia to baga.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

YESAYA 60:21

Iatu taummu la malambu’ sola nasang sia la umpomana’i te padang iate sae lakona; iamotu misa’ taruk tu Kutanan kalena, misa’ pengkarang limangKu, dikua anna pakala’bi’Na’.

YEHEZKIEL 44:9

Inde sia tu kadanNa Puangta PUANG, Nakua: Tae’i misa’ to sae, tu tang disunna’i penaanna sia tang disunna’i kalena, la tama inan maindanKu, iamotu mai to sae, tu torro dio lu to Israel.

YOËL 3:17

Sia la miissan, kumua Akumo tu PUANG, Kapenombammi tu unnisung dao Sion, buntu maindanKu, sia Yerusalem la dadi misa’ inan maindan sia tae’mo nala unnolai lendu’ to tama sae.

SURA’ KATOMINAAN 13:46

Iake tontongpi tu golenna dio kalena, tontong duka maruttak; belanna maruttak, iamoto na la torro senga’, iamotu dio lu salian to’ tenda la nanii torro.

ZAKHARIA 14:21

Ondongpi mintu’ kurin lan Yerusalem sia lan Yehuda dipamaindanan PUANG, naurunganni mintu’ to memala’ ma’din sae sia la napantollo’i. Sia allo iato la tae’mo to Kanaan lan banuanNa PUANGna mintu’ ma’dandan maritik.

KADIBILANGAN 12:15

Dipasalianmi to’ tenda tu Miryam pitung allo; iatu tau iato tae’pa nake’de’ dio mai, tonna tae’pa nasule tu Miryam sirau tau.

KADIBILANGAN 5:3

La muane la baine la misua male; la misua lako salianna to’ tenda, kumua da’ naruttakki tu inan tendana, belanna torroNa’ dio lu tau iato mai.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MARKUS 7:2

Iatonna tiroi ba’tu pira-pira tu anak gurunNa ungkande roti anna tae’ namasero limanna, iamotu tae’ namembase dolo,

LUKAS 10:20

Apa da naparannu penaammi, belanna mengkanorong lako kalemi tu deata masussuk, sangadinna iari la napoparannu penaammi, tu disura’ lan suruga tu sangammi.

EFESUS 5:5

Belanna iate pengkilalai tonganni, kumua tae’ ia tu to ma’pangngan buni ba’tu to maruttak ba’tu to basisi inaa – tu samanna to umpenombai deata – umpotaa mana’ lan ParentaNa Kristus sia Puang Matua.

FILIPI 4:3

Ontongpi kupalaku lako kalemu e sangayoka lambu’ku, tundui tu baine sola duai, tu kusiban umpangeai Kareba-kaparannuan sia Klemens duka, sia mintu’ solaku tu senga’na, tu disura’ sanganna lan sura’ katuoan.

1 TIMOTIUS 1:10

to ma’pangngan buni sia to sigau’ sala padanna muane, sia to umboko tau, to buttokan sia to menggata tang tongan, sia apa-apa tu sisalanna pangadaran mepamanaman,

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.

2 PETRUS 3:13

Apa iatu Naallu’na Puang, untayanki’ langi’ ba’ru sia lino ba’ru, tu nanii kamaloloan.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 20:12

Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.

KADA OMBO’ LAKO RASULU’ YOHANES 20:15

Sia iake den tau tae’ nadiappa’ tu sanganna disura’ lan sura’ katuoan, dipembuangan duka tama limbong api iato.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

KADA OMBO’ LAKO RASULU’ YOHANES 3:5

Iatu to patalo la dipakei pakean busa sia inang tae’ Kula umpa’dei tu sanganna lan mai sura’ katuoan, sia la Kuaku tu sanganna dio oloNa Ambe’Ku sia dio olona mintu’ malaeka’Na.