KADA OMBO’ LAKO RASULU’ YOHANES 21:24 - Sura' Madatu

²⁴ Na mintu’ bangsa la lolang lan arrangna, sia mintu’ datu lan lino la umbaa kamala’biranna tama tondok iato.

KADA OMBO’ LAKO RASULU’ YOHANES 21:24 ပူးပေါင်းရင်းမြစ်များ

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

YESAYA 2:5

Maikomi, e bati’na Yakub, la lolang lanki’ arrangNa PUANG.

YESAYA 49:23

Iatu mai datu la dadi ambe’ passarakmu sia iatu datu baine la dadi to ma’pasusummu; iatu tau iato mai la menomba sae rokko padang dio olomu, sia ullepa’i barra’-barra’ dio lentekmu. Attu iato la muissan, kumua: Akumote tu PUANG, naminda-minda untayanNa’, tae’ nala kasirisan.

YESAYA 52:15

susi dukato buda bangsa la bangngo ara’na, sia la napotangtiku’bi’ pudukna mintu’ datu, belanna iatu apa tang nauleleanpa tau, nata’paimo matanna, sia iatu apa tang tamapa talinganna, naissanmo.

YESAYA 55:10

Belanna susi uran sia ambun makko lu dao mai langi’, anna tang sule langngan, sangadinna ussakka’i padang sia napopembura sia umpatuo tananan sia umpadenan lise’ to mangambo’ sia kande la nakande tau.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

YESAYA 60:13

Iatu kamala’biranna Libanon la rampo lako kalemu, iatu kayu sanoba’ sia darda’ sia buangin pada-padai la umbeloi to’ inan maindanKu sia la Kupamala’bi’ tu inan pelleseangKu.

YESAYA 60:16

Sia la muiru’ tu bumbunganna mintu’ bangsa sia la mususu tu susunna datu baine, ammu issanni, kumua Akumo, tu PUANG, To pakarimmanammu, sia Pela’bakmu, To makuasanna Yakub.

YESAYA 66:18

Belanna Ku (tandaimo) tu penggauranna sia tangnga’na tu tau iato mai; la rampo (tu attu) dinii umpasipulungi tu mintu’ bangsa sia mintu’ basa; anna tiroi tau iato mai tu kamala’birangKu.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

ROMA 15:16

kumua angku dadi to pasumbunganna Kristus Yesu lako to kapere’ la untoe pentoean maindan diona Kareba-kaparannuanNa Puang Matua, anna iatu to kapere’ mendadi pemala’ Naporai Puang Matua, belanna Napemapindanni Penaa Masallo’.

ROMA 15:26

Belanna nasituru’imo to Makedonia sia to Akhaya pada urrampunanni doi’ tu mai to masallo’ makario-rio dio Yerusalem.

PA’TOLE 32:43

Unnarrak-arrakkomi e kamu to sangpetayanan diona bangsaNa, belanna Puang umpakkanni rarana tu mintu’ taunNa sia Napabala’i tu penggauranna to umbalii, sia Napadenan kadiseroian kasalan tu tondokNa sia taunNa.

KADA OMBO’ LAKO RASULU’ YOHANES 21:26

Iatu kamala’biranna sia napomarayanna mintu’ bangsa la nabaa tau tama.

KADA OMBO’ LAKO RASULU’ YOHANES 22:2

Lan tangnga lalan lan tondok iato sia patomalinna randanan salu iato den kayu katuoan, membua pessangpulo dua; bulanoi membuaoi, namintu’ daunna napomondo mintu’ bangsa.