KADA OMBO’ LAKO RASULU’ YOHANES 21:23 - Sura' Madatu

²³ Tae’ namanggi’ tu allo sola bulan unnarrangi tu tondok iato, belanna kamala’biranNa Puang Matua umpamasiangi sia Anak domba napopalita.

KADA OMBO’ LAKO RASULU’ YOHANES 21:23 ပူးပေါင်းရင်းမြစ်များ

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

YESAYA 2:10

Mallaiko tama sapak batu, sia mallaiko rokko garuang umpembunian kametakuranNa PUANG sia kamala’biran kapayunganNa.

YESAYA 2:19

Allo iato iatu mai tau la mallai tama lo’ko’ batu sia rokko garuang tu belanna kametakuranna kamala’biranna kapaanNa, ke ke’de’I umpatiramban mintu’ issinna lino.

YESAYA 2:21

Anna mallai tama lo’ko’ buntu batu sia sapak batu, tu belanna metakuranNa PUANG sia belanna kamala’biran kapayunganNa, ke ke’de’I umpatiramban mintu’ issinna lino.

YESAYA 24:23

Attu iato la maila’ tu bulan masero, sia la masiri’ tu allo mapana’, belanna iatu PUANGna mintu’ ma’dandan maritik, la Datu, dao buntu Sion sia dio Yerusalem, sia iatu kamala’biranNa la tonang, dio olona pekaamberanna taunNa.

YESAYA 30:26

Attu iato arrang bulan masero la susi arrang mata allo mapannang sia arrang mata allo la pempitu parrangna pada to arrang allo pitung allo, iamoto ke allo Nanii PUANG umbimbinni tu bangkena taunNa sia umpamondo mintu’ kama’la’poan lalan pa’bambaNa.

HABAKUK 3:3

Saemo tu Puang Matua dio mai Téman, sia iatu To masero dao mai buntu Paran. Sela Iatu kamala’biranNa ussamboi mintu’ langi’, sia nasitutu’i kadipudianNa tu lino.

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

MARKUS 8:38

Belanna minda-minda ungkasirisanNa’ sia ungkasirisan kadangKu lako te to ma’gau’ sala sia kasalan, masiri’ duka Anak rampan dilino la unnakui, ke saeI situang kamala’biranNa Ambe’Na naturu’ mintu’ malaeka’ madatu.

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

YOHANES 1:4

Ia oto’na katuoan, anna iatu katuoan iamo arrangna tolino.

YOHANES 1:9

Iatu manassana arrang tu unnarrang mintu’ tau, mane sae tama lino.

YOHANES 17:24

O Ambe’, Kuporai ke sisolaNa’ tu to mangka Misorong lako Kaleku umba-umba Kunii, anna kitai tu kamala’birangKu tu mangka Mipa’kamasean lako Kaleku, belanna Mipakaboro’Na’ tempon dio mai tonna tang dikombongpa te lino.

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

PENGGAURANNA RASULU’ 22:11

Tu belanna tang pakitamo’ napobua’ tu pandala-dalana tu arrang iato, narendenmi to kusisolan tu limangku angki sae tama Damsyik.

KADA OMBO’ LAKO RASULU’ YOHANES 14:4

Iamote mai tu to tae’pa naparuttakki baine kalena, belanna malolle’pa; sia iamote mai tu to urrundu’ mai lako Anak domba umba-umba Naola. Iate tau iate mai mangka dila’bak tassu’ dio mai tolino Napobunga’ bua Puang Matua sia Anak domba.

KADA OMBO’ LAKO RASULU’ YOHANES 18:1

Undinnato kutiromi misa’ malaeka’ senga’ songlo’ dao mai langi’ tu kapua kuasanna, na iatu lino naarrang kamala’biranna.

KADA OMBO’ LAKO RASULU’ YOHANES 21:11

Nakabu’ kamala’biranNa Puang Matua. Iatu arrangna susi parimata masu’lik allinna, susi parimata intan, malinnong susi kinang.

KADA OMBO’ LAKO RASULU’ YOHANES 21:25

Iatu babanganna tae’ nala ditutu’ len keallo, belanna tae’ nala urrandan lenni bongi.

KADA OMBO’ LAKO RASULU’ YOHANES 22:5

Tae’mo nala bongi len, sia tau iato mai tae’ nala umpiang arrang palita sia arrang matallo, belanna Puang Kapenomban la unnarrangi, sia la ma’parenta tu tau iato mai tontong sae lakona.

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.