KADA OMBO’ LAKO RASULU’ YOHANES 21:2 - Sura' Madatu

² Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.

KADA OMBO’ LAKO RASULU’ YOHANES 21:2 ပူးပေါင်းရင်းမြစ်များ

PA’PUDIAN 87:3

Ba’tu sangapa tu apa mala’bi’ tu napotuleran tau diona a’gammu, o kota Puang Matua! Sela

YESAYA 1:21

A’a, umba nakua tu tondok maruru’ namembalimo passulo bongi? Iato pirangbongi’ ponno ia katonganan sia natonangi kamaloloan, anna totemo to papatean mannamo lan.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

YESAYA 62:4

Tae’mo nala ungkuangko tau kumua: To ditampe, sia tae’mo nala ussangai tau tu tondokmu Tondok talo; sangadinna la nasangaiko tau: To Kupopaiman, na iatu tondokmu disangai: To kemuanemo. Belanna Napopaimanko PUANG sia iatu padangmu la dipopendapo’.

YEREMIA 31:23

Nakua kadanNa PUANGna mintu’ ma’dandan maritik, Kapenombanna to Israel: Iatu kada iate la napake pole’ tau dio tana Yehuda, sia lan mintu’ kotana, ke mangkami Kupopembali tu toto’na, nakua: Napamasakkemoroko PUANG e inan kamaloloan sia buntu masero!

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

2 KORINTUS 11:2

Belanna mangimburuna’ lako kalemi umpopangimburu kapangimburuanNa Puang Matua, apa mangkamokomi kupasitumaean misa’ muane, la kupatingo butung misa’ anak dara masero lako Kristus.

IBRANI 11:10

Belanna urrannuan tondok diparandanganni, tu Nabangun sia Napabendan Puang Matua.

IBRANI 11:16

Apa iatu manassana tau iato mai ungkaduangi misa’ tondok mandu melo, iamotu dao suruga; iamoto anna tae’ Nakasirisanni Puang Matua nasa’bu’ Puangna, belanna Naparandanammo misa’ tondok.

IBRANI 12:22

Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

IBRANI 13:14

Belanna inde te tae’ tondok matontonganta, sangadinna undaka’ki’ pa’tondokan undi.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.

KADA OMBO’ LAKO RASULU’ YOHANES 1:4

Iate sura’ lu dio mai Yohanes rampo lako pitu kombongan dio Asia: narampoimorokomi pa’kamasean sia kamarampasan lu dio mai Kalena, tu Den, sia inang Den tempon dio mai, sia la saemo, sia lu dio mai pitu penaa tu dio olo isungan kapayunganNa;

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 11:2

Sia paboko’i tu luba’ba dio salianna banuanNa Puang Matua, da musuka’i, belanna dibenmo to kapere’ sia iatu tondok maindan la dilessa’-lessa’ patangpulo ndua bulanna.

KADA OMBO’ LAKO RASULU’ YOHANES 21:10

Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 21:9

Saemi misa’ tu malaeka’ pitu tu mangka untoe pitu gori-gori nanii ponno pitu kamaparrisan ma’katampakanna, nama’kada lako kaleku nakua: Maiko, la kupatiroangko baine la ma’kapa’, iamotu baineNa Anak domba.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

KADA OMBO’ LAKO RASULU’ YOHANES 22:19

sia iake denni tau umpa’deanni pira tu kada lan sura’ pa’nubua’ iate, manassa la Napaputta Puang Matua tu taana dio mai kayu katuoan sia dio mai tondok maindan, susitu disura’ lan sura’ iate.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.