KADA OMBO’ LAKO RASULU’ YOHANES 21:10 - Sura' Madatu

¹⁰ Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 21:10 ပူးပေါင်းရင်းမြစ်များ

1 DATU 18:12

Iake malemo’ untampekomi, anna saemo tu PenaanNa PUANG umbaa senga’komi, na tae’ kutandai umba tu minii, sia iake rampomo’ umpokadanni Ahab, anna tae’ naappa’komi, manassa napateina’. Na iate aku taummi mengkaola bangna’ lako PUANG tempon bitti’ku.

2 DATU 2:16

Ma’kadami tu tau iato mai lako nakua: Tonganna den dio taummi tu muane malinta’ limangpulo; da’ito namale undaka’ puangmi, Naangka’ manii PenaanNa PUANG, anna popengkalaoi dao misa’ tanete ba’tu Naparokkoi misa’ lombok. Apa nakua Elisa: Da misua tau.

YEHEZKIEL 11:1

Naangka’mo’ Penaa anNa solanna’ lako babangan matallo dio banuanNa PUANG, tu mentingo lako rampe matallo: kutiromi dio to’ lalan tama Banua iato tu tau duangpulo llima; dio lu tau iato mai kutiro tu Yaazanya, anakna Azur sia Pelaca, anakna Benaya, arungna bangsa iato.

YEHEZKIEL 11:24

Naangka’mo’ Penaa, anNa solanna’ lako tondok to Kasdim, lako to dipali’, lan patiro mendeata tete dio PenaanNa Puang Matua. Iatu patiro mendeata, mangka Kutiro, kendekmo natampena’.

YEHEZKIEL 3:14

Naangka’mo’ Penaa langngan, anNa solanna’ male, angku ke’de’ dossona’ napobua’ katiangkaranna penaangku, belanna mabanda’ tu limanNa PUANG untemme’na’.

YEHEZKIEL 8:3

Napendondongammi tu misa’ apa tu susi lima rupanna, anNa dammakki sangdi’pu’ tu beluakku. Attu iato Naangka’na’ Penaa langngan lan kasiallaranna lino na langi’, anNa baana’ lako Yerusalem lan patiro mendeata, tu Napaombo’ Puang Matua, lako lalan tama babangan rampe lanna lu, tu mentingo rekke, tu nanii te’dek rapang-rapang dipodeata, iamotu pareanan kamangimburuan, tu umpabu’tu kamangimburuan.

PENGGAURANNA RASULU’ 8:39

Iatonna kendekmo diong mai to’ uai, Napapa’de poto’mi PenaanNa Puang tu Filipus, natae’mo nakitai tinde pa’bisara, tarru’mi sule parannu penaanna.

GALATIA 4:26

Apa iatu Yerusalem dao, tae’ nakaunan, iamo indo’ta.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

KADA OMBO’ LAKO RASULU’ YOHANES 11:2

Sia paboko’i tu luba’ba dio salianna banuanNa Puang Matua, da musuka’i, belanna dibenmo to kapere’ sia iatu tondok maindan la dilessa’-lessa’ patangpulo ndua bulanna.

KADA OMBO’ LAKO RASULU’ YOHANES 17:3

Nabaai tu deatangku lako padang aak, angku tiroi tu misa’ baine messake dao misa’ olo’-olo’ mararang karamisi, nasituru’i sanga kada solang, sia pitu ulunna na sangpulo tandukna.

KADA OMBO’ LAKO RASULU’ YOHANES 21:2

Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.

KADA OMBO’ LAKO RASULU’ YOHANES 4:2

Ta’pa narampoimo’ a’gan Penaa, napayan tu isungan kapayungan tongkonan dao suruga, sia iatu To unno’ko’ dao isungan kapayungan iato.