KADA OMBO’ LAKO RASULU’ YOHANES 21:1 - Sura' Madatu

¹ Pakalan kutiro polemi tu langi’ ba’ru sia lino ba’ru, belanna iatu langi’ sia lino bunga’na lanna’mo, sia iatu tasik tae’ dukamo.

KADA OMBO’ LAKO RASULU’ YOHANES 21:1 ပူးပေါင်းရင်းမြစ်များ

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

YESAYA 57:20

Apa iatu to tang mekaaluk susi tasik mariak, tu tae’ nakullei rapa’ na iatu uainna umpabu’tu pullan sia buka.

YESAYA 66:22

Belanna susitu langi’ ba’ru sia lino ba’ru tu la Kupadadi, la tontong dio oloKu, kadanNa PUANG, la susi dukato tu bati’mi sia sangammi la tontong sae lakona.

DANIEL 7:3

sia bu’tu diong mai tasik tu a’pa’ olo’-olo’ kapua, pantan sisengaran tu rupanna.

ROMA 8:21

belanna mintu’na tu angge maritik la dipopentorro to makaka dio mai kakaunanan kasanggangan, anna tama katomakakan kamala’biranNa anakNa Puang Matua.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

2 PETRUS 3:13

Apa iatu Naallu’na Puang, untayanki’ langi’ ba’ru sia lino ba’ru, tu nanii kamaloloan.

KADA OMBO’ LAKO RASULU’ YOHANES 13:1

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

KADA OMBO’ LAKO RASULU’ YOHANES 21:5

Pakalan na iatu To unnisung dao isungan kapayungan iato, ma’kada Nakua: Tiroi, Kupopemba’ru nasang. Sia Nakuapa: Sura’i, belanna kada iate matappa’ sia tonganna.

KADA OMBO’ LAKO RASULU’ YOHANES 6:14

Sia iatu langi’ tikaririk butung sura’ dilulun, sia mintu’ buntu sia lebukan tipalengka’ dio mai inanna.