KADA OMBO’ LAKO RASULU’ YOHANES 20:9 - Sura' Madatu

⁹ Kendekmi ussitutu’i kuli’na padang, anna patama limbui tu inanna to pararinna mintu’ to masallo’ sia tondok Nakamali’na; songlo’mi tu api dao mai langi’ ummampu’i tu tau iato mai.

KADA OMBO’ LAKO RASULU’ YOHANES 20:9 ပူးပေါင်းရင်းမြစ်များ

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

2 DATU 6:15

Iatonna melambi’ millikmi tu to ungkamayai taunNa Puang Matua, anna sun lako salian, mangngami, belanna napatama limbu surodadu tu kota iato, sola darang sia kareta. Ma’kadami tinde taunna lako nakua: O puangku, apamora la tapogau’?

AYUB 38:18

Iatu paissanmu la nalambi’raka lako tu kalua’na kuli’na padang? Pokadaikae, ke muissan nasangi tu mintu’na te!

PA’PUDIAN 106:18

Dukkumi ma’lulu-lulu tu api lan to nasamaturusan, anna mampu’i dukkunna tu to tang mekaaluk.

PA’PUDIAN 87:2

Mandu Naporai duka PUANG tu mai babanganna Sion. Na iatu mai mintu’ inanna bati’na Yakub.

PA’PUDIAN 97:3

Iatu api mellepa’ dio oloNa Puang. Umpamampu’ mintu’ ualinNa tiku lao.

YESAYA 30:33

Belanna masaimo tiparandan tu inan pantunuan lako tau iato mai sia lako duka datunna; maluangan sia mandalan tu Nagaragai dapo’, na kapua tu api sia ma’toppo’-toppo’ tu kayu; iatu penaanNa PUANG lolong susi solo’ la umballai.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

YEHEZKIEL 38:16

sia la ke’de’ko ullaoi Israel, taungKu, susito misa’ gaun ussamboi padang. Lan attu la sae la Kupake’de’ko ullaoi tondokKu, anna tandaiNa’ mintu’ bangsa, ke Kupamanassai lako kalemu, e Gog, dio pentirona tau iato mai, kumua Akumo tu To maindan.

YEHEZKIEL 38:22

Sia la Kuukung Kuparampoi ra’ba biang sia to’doan rara; la Kupauranni uran kamban, uran batu, api sia solo’ tu tau iato sola mintu’ surodadunna sia iatu bangsa buda nasolan.

YEHEZKIEL 38:9

Iatonna attu iato la ke’de’ko susi misa’ guntu’ mane la sae; la susiko gaun tu untutu’i kuli’na padang, la iko sola mintu’ sorodadummu sia buda bangsa, tu musisolan.

YEHEZKIEL 39:6

La Kuleba’ api tama tu Magog sia iatu mai to torro manaman dio lu tondok ma’biring tasik, anna tandai, kumua Akumo tu PUANG.

MIKHA 2:13

Iatu to undoloanni lumingka dolo dio tingayona solana; iatu tau iato mai ma’kakei, anna tarru’ unnolai babangan sia tassu’ inde to dio mai; iatu datunna tau iato mai lumingka undoloanni, anna PUANG umpangului.

HABAKUK 1:6

Belanna tonganna iatu to Kasdim Kupabendan, misa’ bangsa masa’ga’ sia malinta’, tu lumingka unnoloi lua’na lino, la unnala inan katorroanna tau la napoapa, tu tangia apanna.

KADIBILANGAN 11:1

Den pissan ma’parapo’mi tu to buda dio pa’peranginNa PUANG diona kamandasanna. Iatonna rangii PUANG, re’dekmi tu ara’Na, nadukku tu api Naparampo PUANG dio lu tau iato mai sia umpamampu’ biring to’ tenda.

KADIBILANGAN 16:35

Songlo’mi tu api dao mai PUANG, anna pisanni tu muane duaratu’ llimangpulo, tu to umpemalaran dupa.

LUKAS 17:29

Apa tonna memboko’mo Lot lan mai Sodom, saemi dao mai langi’ tu uran api sia solo’ ummangsanni tu tau sola nasang.

LUKAS 19:43

Belanna la sae tu allo kamatilakammu sia la natambakukuko mintu’ ualimmu sia natalimbung tamako, sia nasikemunni tikuko sae,

LUKAS 21:20

Iammi tiromi tu Yerusalem natalimbung tama to parari, iato attu iato la miissan, kumua mandappi’mo kasangganganna.

LUKAS 9:54

Iatonna tiromi anak gurunNa, iamotu disanga Yakobus na Yohanes, tu iannato, nakuami: O Puang! Mieloranraka angki sua api mengkalao dao mai langi’ la ummangsanni tu tau?

PA’TOLE 23:14

Belanna iatu PUANG, Kapenombammu, ussalongi to’ tendamu, la urrampanangko dio mai kamandasan, anNa sorongi tu ualimmu lako kalemu; iamoto la masero tu to’ tendamu, kumua da Natiro lenni tu apa tang sipatu dio kalemu sia da Nasepang tu Puang dio mai kalemu.

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

IBRANI 13:13

Iamoto tatassu’ lako umpellambi’i dio salian lili’na to’ tenda iato sia anta tanggungi tu kaditelleanNa.

KADA OMBO’ LAKO RASULU’ YOHANES 11:5

Iake denni tau la morai ussanggangi to sola duai, sunmi tu api lan mai sadangna ungkandei tu mintu’ ualinna; sia iake denni misa’ tau la ussanggangi sola duai, manassa la mate susi duka iato.

KADA OMBO’ LAKO RASULU’ YOHANES 13:13

Sia umpadadi tanda kalle-kallean kapua, naurunganni umpasonglo’ api dao mai langi’ tama lino dio tingayona tolino.