KADA OMBO’ LAKO RASULU’ YOHANES 20:4 - Sura' Madatu

⁴ Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 20:4 ပူးပေါင်းရင်းမြစ်များ

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

DANIEL 7:18

Mangkato iatu Tomaserona Puang Patodoranna la untarima kadatuan, sia la umpomana’ kadatuan tontong sae lakona, ondongpi matontongan tontong sae lakona.

DANIEL 7:22

sae lako saena tu To Kaubanan, anNa sanda tonganni tu to maserona Puang Patodoranna sia mengkareke’mo tu attunna, ke natarimami to masero tu kadatuan.

DANIEL 7:27

Sia iatu kadatuan sia kuasa sia kataromposanna mintu’ kadatuan diong nasambo langi’ la dikamasean kombonganna tomaseroNa Puang Patodoranna; na iatu kadatuanNa iamo misa’ kadatuan tontong sae lakona, sia mintu’ to kuasa la umpengkaolai sia umperangii.

DANIEL 7:9

Iatongku marassan umpenunui, dipabendanmi tu ba’tu pira-pira isungan kapayungan. Nanii misa’ ToKaubanan; iatu tamangkaleNa mabusa susito ambun makko sia iatu beluakNa mapute susi bulu domba; api ma’lana-lana tu isungan kapayunganNa sia api dukku tu lentenanna.

MALEAKHI 4:5

Tonganna la Kusua lako kalemi tu nabi Elia, ke tae’pi nasae tu allo tarompo’ metakuranNa PUANG.

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

MATIUS 24:10

Attu iato nabuda tau la dipakondo’, anna sipa’pesorongan len sia sikabiri’.

MARKUS 6:16

Apa iatonna rangii Herodes tu iannato, nakuami: Iamotu Yohanes kuta’takki ulunna to, dipatuomo sule.

MARKUS 6:27

Ta’pa nasuami datu tu to ma’peulu kumua la nabaa sae tu ulunna Yohanes. Maleni tinde tau umpoloi ulunna Yohanes lan pa’tarungkuan.

MARKUS 9:11

Mekutanami lako Yesu, nakua: Tang nakuaraka mintu’ pandita Sura’ kumua, tae’ nasalai tang sae dolo tu Elia?

LUKAS 1:17

Ia duka bangsiamo la dolo dio oloNa umpopenaa penaanna Elia sola kamatororanna Elia, la umpapatui penaa mintu’ ambe’ lako anakna sia la umpabalik mintu’ to tang sopati lako kakinaanna to ma’bulo sanglampa, la umparandanan Puang Matua sangrapu to maparea tongan.

LUKAS 14:14

Dadi la salama’komi, belanna iatu tau iato tae’ nabelai umpabala’i lako kalemi, sangadinna la dipabala’i lako kalemi ke dipatuoi sule tu mintu’ to ma’bulo sanglampa.

LUKAS 22:30

anta misa’ kao’koran sola ma’talimbungan kumande sia mangiru’ lan ParentaKu sia unnisungi isungan kapayungan umparessai tu sangpulo dua sukunna to Israel.

YOHANES 14:19

Tae’mora namasai anna tae’mo natiroNa’ issinna te lino, apa kamu te mitiroNa’, belanna tuoNa’ sia kamu duka la tuokomi.

ROMA 11:15

Belanna iake ia napasikaelo issinna lino tu kadisa’biangananna to Israel, la ma’patumba pole’opi ke ditarimai sule, ke tang katuoan dio mai to’ to mate?

ROMA 8:17

Iake anakki’, ma’mana’ dukaki’, iamotu mana’ dio mai Puang Matua sia pada ma’mana’ki’ Kristus, ke umperasaiki’ kamaparrisan sola, anta pada dipakala’bi’duka.

2 TIMOTIUS 2:12

sia iake batta’ki’ umpatananni, la ma’parentaki’ Sola; iake tapeonganni, la Napeonganni dukaki’;

KADA OMBO’ LAKO RASULU’ YOHANES 1:2

Tu ungkatottongi kadanNa Puang Matua sia tu apa napamanassanNi Yesu Kristus, iamotu mintu’ apa natiro.

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 11:11

Undinnato tallung allo ssangpolo natamaimi penaa ma’patuo lu dio mai Puang Matua sola duai, anna malimbangun bendan; saemi kamatakuran kapuana tu mintu’ to untiroi sola duai.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.

KADA OMBO’ LAKO RASULU’ YOHANES 11:7

Iatonna pasundunmi tu pa’katottonginna sola duai, la narariimi olo’-olo’ masuru tu sun diong mai posi’ tana lambe’, sia nataloi anna patei.

KADA OMBO’ LAKO RASULU’ YOHANES 12:11

Natalomo tau iato mai tu naga tete dio rara Anak domba sia tete dio kada nakatottongi; sia tau iato mai tae’ nadampang sunga’na moi sae lako matena.

KADA OMBO’ LAKO RASULU’ YOHANES 14:11

sia iatu rambu kadipakario-rioanna kendek langngan tontong sae lakona: tau iato mai tae’ ka’tunna umperasai parri’ allo bongi, iamotu mintu’ to umpenombai olo’-olo’ iato sola rapang-rapang dipodeatanna sia to untarima tanda sanganna.

KADA OMBO’ LAKO RASULU’ YOHANES 15:2

Kutiro polemi takua to tasik sammin sirau api, sia mintu’ tu to untalomo olo’-olo’ iato sia rapang-rapang dipodeatanna sia angka bilangan sanganna, bendan dio randan tasik sammin untoe katapinNa Puang Matua.

KADA OMBO’ LAKO RASULU’ YOHANES 17:8

Iatu olo’-olo’ mutiro, dolona den apa totemo pa’demo, la kendek diong mai garonggong posi’ tana lambe’, namentama kasanggangan. Mintu’na tau lan lino tu randuk dio mai diparandanganninna te lino tu tang disura’ sanganna lan sura’ katuoan, la mangnga, ke natiroi tu olo’-olo’ tu dolona den, apa totemo pa’demo sia la bu’tu pole.

KADA OMBO’ LAKO RASULU’ YOHANES 2:26

Na iatu to patalo, sia ungkaritutui mintu’ pengkarangangKu sae lako ma’katampakanna, la Kuben kuasa ungkuasai mintu’ to kapere’;

KADA OMBO’ LAKO RASULU’ YOHANES 20:6

Maupa’ sia masallo’ tu to naala bilanganna kamalimbangunan bunga’na; tae’mo anna kuasai kamatean ma’penduan tu tau iato mai, sangadinna la dadi tominaanNa Puang Matua sia Kristus, sia la ma’parenta sola Puang sangsa’bu taunna.

KADA OMBO’ LAKO RASULU’ YOHANES 22:5

Tae’mo nala bongi len, sia tau iato mai tae’ nala umpiang arrang palita sia arrang matallo, belanna Puang Kapenomban la unnarrangi, sia la ma’parenta tu tau iato mai tontong sae lakona.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 4:4

Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

KADA OMBO’ LAKO RASULU’ YOHANES 6:9

Iatonna bungka’mi Anak domba tu ca’ ma’pellimanna, kutiromi diong to’ inan pemalaran tu mintu’ bombo mendeatanna to mangka dipatei belanna kadanNa Puang Matua sia belanna pa’katottongan natoe tau iato mai.

KADA OMBO’ LAKO RASULU’ YOHANES 7:3

nakua: Da misanggangi tu lino ba’tu tasik ba’tu iato mai garonto’ kayu sae lako kica’na tu mintu’ taunNa Puang Matua dio kidena.