KADA OMBO’ LAKO RASULU’ YOHANES 20:12 - Sura' Madatu

¹² Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.

KADA OMBO’ LAKO RASULU’ YOHANES 20:12 ပူးပေါင်းရင်းမြစ်များ

PA’PUDIAN 28:4

Papakkanni tu tau iato mai sitinaya gau’na, sia sitinaya kakadakeanna penggauranna; papakkanni sitinaya lalan limanna, pabala’i tau iato mai sitinayanna tu napogau’na.

PA’PUDIAN 62:12

Pissanmo ma’kada tu Puang Matua, penduammo kurangi Nakua: Iatu kuasa, Puang Matua Ia tu ampunna.

PA’PUDIAN 69:28

Tompoi sala tu salana tau iato mai, naurunganni tang nalambi’ kadibilangan malolo dio mai Kalemi.

SARAMBU PEADA’ 24:12

Iake ma’kadako mukua: Manassa tae’ kiissanni – tae’raka nala sombo lako Puang tu ussudi mintu’ penaa sia tae’raka Nala untandai Puang, tu umpenunu ba’tengmu sia tae’raka Nala umpabala’i tu penggauranna simisa’-misa’ tau?

SARAMBU PEADA’ 24:29

Da muma’kada kumua: Susitu nagauranna’ susi dukato tu la kugauranni; la pantan kupabala’i sitinaya penggauranna.

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 32:19

Tarompo’ tu pa’pana’ta’Mi sia kalle-kallean tu penggauramMi, sia natiro matamMi tu lalanna mintu’ ma’rupa tau la umpapakkanni simisa’-misa’i sitinaya kedona sia sitinaya bunga rangka’na.

DANIEL 7:10

Sia misa’ salu api tikula’dak-la’dak, na lolong dio oloNa; massa’bu-sa’bu diala pessangsa’bu umpengkaolai sia sangpulo sa’bu-sa’bunna diala pessangpulo sa’bu bendan dio oloNa. Unnisungmi tu to ma’paolai salu anna bungka’i tu mintu’ sura’.

MATIUS 11:22

Apa Kukua mati’: iake allo kadiparessan la maringan ia parri’na Tirus na Sidon na iatu parri’mi.

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

LUKAS 10:20

Apa da naparannu penaammi, belanna mengkanorong lako kalemi tu deata masussuk, sangadinna iari la napoparannu penaammi, tu disura’ lan suruga tu sangammi.

PENGGAURANNA RASULU’ 24:15

Sia ma’passarena’ lako Puang Matua, susi duka tu mati’ tau umposande’i kumua la den tu kamalimbangunan dio mai to’ to mate la lako to malambu’ la lako to tang malambu’.

ROMA 2:6

tu la umpapakkanni simisa’i lako tau, tu sitinayanna penggauranna,

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

FILIPI 4:3

Ontongpi kupalaku lako kalemu e sangayoka lambu’ku, tundui tu baine sola duai, tu kusiban umpangeai Kareba-kaparannuan sia Klemens duka, sia mintu’ solaku tu senga’na, tu disura’ sanganna lan sura’ katuoan.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 17:8

Iatu olo’-olo’ mutiro, dolona den apa totemo pa’demo, la kendek diong mai garonggong posi’ tana lambe’, namentama kasanggangan. Mintu’na tau lan lino tu randuk dio mai diparandanganninna te lino tu tang disura’ sanganna lan sura’ katuoan, la mangnga, ke natiroi tu olo’-olo’ tu dolona den, apa totemo pa’demo sia la bu’tu pole.

KADA OMBO’ LAKO RASULU’ YOHANES 19:5

Denmi gamara dirangi dao mai isungan kapayungan iato nama’kada nakua: Pudi tu Puangta, e kamu mintu’ taunNa tu ungkataku’I, la to bitti’ la to kapua!

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

KADA OMBO’ LAKO RASULU’ YOHANES 20:13

Anna pasun nasangi tasik tu to mate lan, sia iatu kamatean sia lino to mate umpasun dukai tu to mate lan; anna pantan dipaolai salunna sitinaya penggauranna.

KADA OMBO’ LAKO RASULU’ YOHANES 20:15

Sia iake den tau tae’ nadiappa’ tu sanganna disura’ lan sura’ katuoan, dipembuangan duka tama limbong api iato.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

KADA OMBO’ LAKO RASULU’ YOHANES 22:12

Kilalai, la saeNa’ madoi’, na iatu pepakkan dio mai Kaleku Kubaa len, dikua angKu papakkanni simisa’-misa’i tu tau sitinaya penggauranna.

KADA OMBO’ LAKO RASULU’ YOHANES 3:5

Iatu to patalo la dipakei pakean busa sia inang tae’ Kula umpa’dei tu sanganna lan mai sura’ katuoan, sia la Kuaku tu sanganna dio oloNa Ambe’Ku sia dio olona mintu’ malaeka’Na.