KADA OMBO’ LAKO RASULU’ YOHANES 20:10 - Sura' Madatu

¹⁰ Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.

KADA OMBO’ LAKO RASULU’ YOHANES 20:10 ပူးပေါင်းရင်းမြစ်များ

DANIEL 7:11

Kupenunu tu diona gamaranna tanduk tu umpokada kada matampo; marassan bangsia kupenunu, ta’kala nadipateimo tu olo’-olo’ iato sia iatu kalena disanggang sia disorong la diballa api.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 25:46

Dadi tau iato la lu tama kamaparrisan tontong sae lakona; apa iatu to malambu’ la tama katuoan tontong sae lakona.

MATIUS 7:15

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru.

MARKUS 9:44

tu inan tang mate ulli’na sia tang pa’de duka apinna.

KADA OMBO’ LAKO RASULU’ YOHANES 16:13

Kutiro sun lan mai sadang naga sia lan mai sadang olo’-olo’ sia lan mai sadang nabi tang tongan tu tallu penaa bulituk, susi tokko’;

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 20:8

nasun la umpapusa mintu’ bangsa lan a’pa’ sulapa’na lino, tu Gog sia Magog, kumua anna rampunni tu tau iato mai la parari, na iatu budanna susi karangan diong biring tasik.

KADA OMBO’ LAKO RASULU’ YOHANES 9:17

Iatu pentiroku mintu’ darang sia mintu’ to ussakei takua susite: tau iato mai ma’bayu bassi mararang susi api sia masekke’ sia ma’rupa solo’; sia iatu ulu darang susi ulu singa sia lan mai sadangna tassu’ tu api sia rambu sia solo’.