KADA OMBO’ LAKO RASULU’ YOHANES 2:3 - Sura' Madatu

³ sia batta’ penaammu sia tang mata’ka’ko ma’patanan belanna sangangKu.

KADA OMBO’ LAKO RASULU’ YOHANES 2:3 ပူးပေါင်းရင်းမြစ်များ

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

PA’PUDIAN 69:7

Da napolean siri’ tu mintu’ to untayanKomi kutumang, o Puang PUANGna mintu’ ma’dandan maritik, sia da naattangan tu mintu’ to undaka’Komi kutumang, o Kapenombanna to Israel.

MIKHA 7:9

Iatu aku untanggung kare’dekan ara’Na PUANG – belanna umpogau’na’ kasalan lako kaleNa – sae lako nasanda tongannina’ lan kara-karaku sia Napasirundunan tu salunna lako kaleku. La Napatassu’na’ lako masiang; sia la kutiro kumua umba Nakua umpogau’i tu kamaloloan.

MARKUS 15:21

Lendu’mi dio misa’ tu to lu dio mai pa’lak, disanga Simon to Kirene, ambe’na Iskandar sola Rufus, naparukumi umpassanni tu kayu pea’ta’.

LUKAS 14:27

Sia minda-minda tu tang umbaa melako kayu pea’ta’na undi urrundu’Na’, iato tau iato tae’ nama’din mendadi anak gurungKu.

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

LUKAS 21:19

ke umpatontong bangkomi penaammi, ungkarimmanni katuoammi.

LUKAS 5:5

Nakuami Simon mebali: O Puang, sangmai’ situ’turangkan bongi mara’ takkanni, tae’ bang kiala misa’, apa belanna Kamu kumua, dadi la kiparokko bang tu dalla’.

LUKAS 8:15

Na iatu lu rokkona padang lunak, iamotu tau, ianna rangimi tu kada, napalanmi penaa matoto’na sia penaa malolona sia napatontong namembua melo.

YOHANES 15:21

Apa mintu’na tu iannato la napogau’ lako kalemi belanna sangangKu; tu belanna tae’ natandai tu To ussuaNa’.

ROMA 12:12

Sendekomi diona rannummi, ma’tan penaakomi lan kamaparrisan, sia batta’ lan kapassambayangan.

ROMA 16:12

Salama’ku lako Trifena sia Trifosa, tu baine tang mekata’ka’ lan alukNa Puang. Sia lako Persis, tu baine dipakaboro’, tu tang mekata’ka’ tongan lan alukNa Puang.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

ROMA 8:25

Apa iake urrannuangki’ apa tang mempayan lako kaleta, batta’ penaanta umpeagii.

1 KORINTUS 13:7

Nasamboi nasang tu mintu’na sia napatongan nasang tu mintu’na, sia narannuan nasang tu mintu’na sia napama’tanan nasang penaa tu mintu’na.

1 KORINTUS 16:16

Ammi mengkaola lako tu to susito sia lako tu mai mintu’ to patunduan sia to mara’ta’.

2 KORINTUS 10:15

Tae’ kumua tang ma’anggeangkan ussattuan kaleki dio kamara’tasanna to senga’, sangadinna kirannuan iake sakerangngan-rangngannai kapatonganammi, la dibilang tongankan dio kalemi, sitinaya tu atoran ma’angge kitoe.

2 KORINTUS 11:23

PesuanNaraka Kristus tu mati’? – ma’kada to tang ma’runduanan bangmo’ te – ondong pissanpi tu aku. Diona kamara’tasan losongna’, diona kaditarungkuan losongna’, diona kadibamban mandu losongna’ sia pembudana’ lan kasanggangan kamatean.

2 KORINTUS 4:1

Tu belanna sikambi’kan te toean iate, anna tete dio kamamasean mangka dipakitangkan, natae’ kisoso’ penaa,

2 KORINTUS 4:16

Iamoto anna tae’ nasoso’ tu penaanta, belanna moi disanggang tu a’gan kale tang marendengta, apa iatu a’gan ba’tengta diba’rui keallo-keallo.

2 KORINTUS 5:9

Ia dukamoto anta pengkullei, la torro lannaki’ lu, la torro saliannaki’, kumua Naalaki’ penaanNa Puang.

2 KORINTUS 6:5

lan kadibamban, lan kaditarungkuan sia kamarukkan, lan kamara’tasan, sia kamaroyan sia kamangeloan;

GALATIA 6:2

Situndu-tunduangkomi umpassan pamaammi, susimoto la minii ungganna’i tu atoranNa Kristus.

GALATIA 6:9

Da tamasorro umpogau’ melo, belanna la tapeburai duka ke attunna ke tae’i tamalilu.

FILIPI 2:16

ammi pa’petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara’tasangku tae’ nalao sala.

FILIPI 4:3

Ontongpi kupalaku lako kalemu e sangayoka lambu’ku, tundui tu baine sola duai, tu kusiban umpangeai Kareba-kaparannuan sia Klemens duka, sia mintu’ solaku tu senga’na, tu disura’ sanganna lan sura’ katuoan.

KOLOSE 1:11

Anna mintu’ kamatotoran dipamatotorangkomi situru’ tu kuasa kamala’biranNa lako kabattaran penaa sia pesuka’ kalando situang kaparannuan,

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

1 TESALONIKA 2:9

Tu belanna mikilalai, e sangsiulurangki, tu kamara’tasangki sia kabo’yorangki, tu keallo kebongi mengkarangkan, kumua anna da miden misa’ duka kipamatana’, anna mangkamo kipa’peissanan lako kalemi tu Kareba-kaparannuanNa Puang Matua.

1 TESALONIKA 5:12

E sangsiulurangku, kipalaku ammi bilangi tu mai to umposara’komi, sia umpanguluikomi tete dio Puang sia umpakilalakomi,

2 TESALONIKA 3:13

Apa iatu kamu te, e sangsiuluran, da mimasorro umpogau’ melo.

2 TESALONIKA 3:5

Anna Puangmora umpalulakoi pa’kaboro’Na Puang Matua sia kama’tanan penaanNa Kristus tu penaammi.

2 TESALONIKA 3:8

sia tae’ duka kikande punalai tu mai kandena tau, sangadinna keallo kebongi mara’ta’kanni sia boyo’kanni mengkarang dikua da ammi den misa’ kipamatana’.

1 TIMOTIUS 4:10

Belanna ia dukamo napobannang te angki tang ussa’ding ta’ka’ sia mengkulle-kulle, belanna umporannumokan Puang Matua matontongan, Iamo ungkatirinnai mintu’ tolino, ma’iringanna mintu’ to ma’patongan.

1 TIMOTIUS 5:17

Iatu mai penatua-penatua manglopian melo, sipato’ dikasiri’ manglokkon penduan, ontong pole’ tu to umposara’ kadanNa Puang Matua sia ma’pangada’.

IBRANI 10:36

Belanna sipato’komi unnampui kabantangan penaa, dikua anna iake mangkamokomi umpogau’i tu pa’poraianNa Puang Matua, ammi appa’i tu apa diallu’.

IBRANI 12:1

Iamoto belanna napatama limbuki’ pada budanna to titanan sa’bi makamban susi gaun, dadi la talendokan tu mintu’ magasanna, sia kasalan tu maraa ussalembe’ki’ sia la taparri-parri ma’dondo lan kapassilomban dipapatuangki’,

IBRANI 13:13

Iamoto tatassu’ lako umpellambi’i dio salian lili’na to’ tenda iato sia anta tanggungi tu kaditelleanNa.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

IBRANI 6:12

dikua da ammi matukkun, sangadinna la unturu’komi sangka’na tu mai to umpomana’ mintu’ tu Naallu’na Puang Matua belanna kapatongananna sia kama’tanan penaanna.

IBRANI 6:15

Nasusito tonna mangka umpeagi ma’tan penaai, naappa’mi tu pangallu’ iato.

2 PETRUS 1:6

na kapaissanammi umpasombo kauntaloian kale; na kauntaloiammi kale umpasombo kabantangan; na kabantangammi umpasombo kapengkaolan;

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.