KADA OMBO’ LAKO RASULU’ YOHANES 2:26 - Sura' Madatu

²⁶ Na iatu to patalo, sia ungkaritutui mintu’ pengkarangangKu sae lako ma’katampakanna, la Kuben kuasa ungkuasai mintu’ to kapere’;

KADA OMBO’ LAKO RASULU’ YOHANES 2:26 ပူးပေါင်းရင်းမြစ်များ

PA’PUDIAN 2:8

Palakui lako Kaleku, angKu benko tu mintu’ bangsa la mupomana’, sia anggenna lino la mupoapa.

PA’PUDIAN 2:9

Ammu nisak-nisakki tekken bassi, sia la mutesse-tesse susi kurin litak.

PA’PUDIAN 49:14

Iamoto tu dalle’na to umposande’ bang kalena, iamo katampakanna to tu to umporai misa kadanna. Sela

DANIEL 7:18

Mangkato iatu Tomaserona Puang Patodoranna la untarima kadatuan, sia la umpomana’ kadatuan tontong sae lakona, ondongpi matontongan tontong sae lakona.

DANIEL 7:22

sae lako saena tu To Kaubanan, anNa sanda tonganni tu to maserona Puang Patodoranna sia mengkareke’mo tu attunna, ke natarimami to masero tu kadatuan.

DANIEL 7:27

Sia iatu kadatuan sia kuasa sia kataromposanna mintu’ kadatuan diong nasambo langi’ la dikamasean kombonganna tomaseroNa Puang Patodoranna; na iatu kadatuanNa iamo misa’ kadatuan tontong sae lakona, sia mintu’ to kuasa la umpengkaolai sia umperangii.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

YOHANES 6:29

Mebalimi Yesu sia Nakua ungkuanni tu tau: Inde sia tu pengkarangan Natuntun Puang Matua, kumua sipatukomi umpatonganNi tu To Nasua.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

ROMA 8:37

Apa lan mintu’nato sapatalo-talota tu belanna iatu To umpakaboro’ki’.

1 TESALONIKA 3:5

Iamo bannangnato, natae’ tonganmo kutananni tu mamali’ku, kusuami mati’, kumua angku issanni tu kapatonganammi, belanna magiangna’, kumua mangkamokomi manii naroso to paroso, anna lao salamo tu kamara’tasangki.

IBRANI 3:6

apa Kristus susi Anak ungkuasai makalima’na apa lan banuanNa Puang Matua; kitamorate tu apa lan banuanNa, podo ke tang tilelukki tu penaa batta’ta sia kapa’rannuananta, tu taposattuan (sae lako katampakanna).

YAKOBUS 2:20

La morairokoka untandai, e to tae’ gai’na, kumua iatu kapatonganan tae’ nasituang penggauran, tae’ patunna?

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.

1 YOHANES 3:23

Iamote tu parentaNa, kumua sipatu tapatongan tu sanganNa AnakNa, Iamo Yesu Kristus, anta siala mase, situru’ tu parenta mangka Nakamaseangki’.

1 YOHANES 5:5

Mindara tu untaloi te lino, sangadinna ia manna tu to umpatonganni kumua Yesumo tu AnakNa Puang Matua?

KADA OMBO’ LAKO RASULU’ YOHANES 2:11

Minda-minda ketalinga la naperangii tu apa Napokada Penaa lako mintu’ kombongan na iatu to patalo tae’ nala urrua lenni kasanggangan kamatean ma’penduan.

KADA OMBO’ LAKO RASULU’ YOHANES 2:17

Minda-minda ketalinga la naperangii tu apa Napokada Penaa lako mintu’ kombongan. Na lako tu to patalo, la Kuben manna kabunian, sia la Kuben misa’ batu mabusa na dio batu iato tisura’ misa’ sanga ba’ru, tu tae’ misa’ tau untandai, sangadinna ia manna tu to untarimai.

KADA OMBO’ LAKO RASULU’ YOHANES 2:7

Minda-minda ketalinga, la naperangii tu apa Napokada Penaa lako mintu’ kombongan. Na lako to patalo, la Kupakande bua katuoan tu lan FirdausNa Puang Matua.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 21:7

Na iatu to patalo la umpomana’ mintu’ apa iate; Akumo la mendadi Puang Kapenombanna na ia la Kupoanak.

KADA OMBO’ LAKO RASULU’ YOHANES 22:5

Tae’mo nala bongi len, sia tau iato mai tae’ nala umpiang arrang palita sia arrang matallo, belanna Puang Kapenomban la unnarrangi, sia la ma’parenta tu tau iato mai tontong sae lakona.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 3:5

Iatu to patalo la dipakei pakean busa sia inang tae’ Kula umpa’dei tu sanganna lan mai sura’ katuoan, sia la Kuaku tu sanganna dio oloNa Ambe’Ku sia dio olona mintu’ malaeka’Na.