KADA OMBO’ LAKO RASULU’ YOHANES 2:2 - Sura' Madatu

² Kuissan tu mintu’ penggaurammu sia kamara’tasammu sia kabattarammu, sia kutandai kumua tae’ mutananni tu mintu’ to kadake, apa mangkamo musudi tu mintu’ to ussanga kalena rasulu’, apa tangngia, sia muappa’ to mo’rang tu tau iato mai;

KADA OMBO’ LAKO RASULU’ YOHANES 2:2 ပူးပေါင်းရင်းမြစ်များ

PA’PUDIAN 1:6

Belanna Natandai PUANG tu lalanna to malambu’, apa iatu lalanna to tang mekaaluk ma’palulako kasanggangan.

MATIUS 7:23

Attu iato la Kupamaleso tu kadangKu lako tau iato kumua: Tae’pa Aku Kutandai lenkomi; pallaikomi dio mai Kaleku, e kamu to umpogau’ kakadakean.

YOHANES 6:6

Ia sia Napokadai susito, belanna la morai untobai, belanna Naissan kalena Ia apa tu la Napogau’.

GALATIA 1:7

anna iatu senga’na tangia Kareba-kaparannuan; apa den tu tau pira umpapusakomi sia la morai umbulang leko’ Kareba-kaparannuanNa Kristus.

EFESUS 4:14

kumua damo anta mapia-pia tikalulun-lulun susi bombang sia nairi’ lu lako lu dio mai ma’rupa-rupa angin pangadaran, diona pakenanna tau sia pakira-kiranna, tu mebanna lako tangnga’ mepapusa,

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

1 TESALONIKA 5:21

Sangadinna sudi tu mintu’na, na iatu melona la mitoe.

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

1 YOHANES 4:1

E mintu’ pa’kaboro’ku, da mipatongan bangi tu anggenna penaa, sangadinna sudi dolo tu mintu’na penaa iato, ba’tu la lu dio siai mai Puang Matua; belanna budamo nabi tang tongan bu’tu lan lili’na lino.

KADA OMBO’ LAKO RASULU’ YOHANES 2:5

Iamoto kilalai tobang lu umbako nii, sia mengkatoba’ko sia pogau’i sule tu penggauran dolomu; iake tae’i, la mati’Na’, angKu palelei tu tongkonan palitammu dio mai inanna, sangadi ke mengkatoba’ko.

KADA OMBO’ LAKO RASULU’ YOHANES 2:6

Apa den dio kalemu tu apa iate, iamotu mukabiri’ tu mintu’ penggauranna to Nikolaus, tu Kukabiri’ duka.

KADA OMBO’ LAKO RASULU’ YOHANES 2:9

Kuissan tu kadipakario-rioammu sia kabongkoammu – apa sugi’ko – sia Kuissan tu petelle dio mai to ussanga kalena to Yahudi, apa tangngia, sangadinna misa’ banua pa’kombonganna deata bulituk.

KADA OMBO’ LAKO RASULU’ YOHANES 3:1

Surasanni malaeka’ kombongan Sardis susite: Iamote tu kada lu dio mai Puang tu unnampui tu pitu PenaanNa Puang Matua, sia iatu pitu bintoen; Kuissan tu mintu’ penggaurammu, kumua disanga tuoko, apa iatu tonganna mateko.

KADA OMBO’ LAKO RASULU’ YOHANES 3:15

Kuissan mintu’ penggaurammu, iatu iko tang madingin, tang malassu. Kemmu madingin pissanora ba’tu malassu pissan!

KADA OMBO’ LAKO RASULU’ YOHANES 3:8

Kuissan tu mintu’ penggaurammu – tiromi Kupopentingoammoko misa’ ba’ba tibungka’, tu moi misa’ tau tae’ nabelai untutu’i –, belanna moi sidi’ri tu kamatotorammu, apa mukaritutuimo tu kadangKu sia tae’ mupeonganni tu sangangKu.